၂၁ ၊ ဩဂုတ်လ ၊ ၂၀၂၁ ။
အမျိုးသားညီညွတ်ရေးအစိုးရရဲ့ Radio NUG ကို ယာယီရပ်နားပြီးမှ ပြန်လည်ထုတ်လွှင့်မယ်လို့ ဒီနေ့ ဩဂုတ်လ ၂၁ရက်နေ့မှာ ကြေညာလိုက်ပါတယ်။
ဆက်သွယ်ရေး ၊ သတင်းအချက်အလက်နဲ့ နည်းပညာဝန်ကြီးဌာနက စီစဉ်တဲ့Radio NUG လိုင်းတိုရေဒီယို စမ်းသပ်ထုတ်လွှင့်မှုကို မနေ့က မနက် ၈နာရီနဲ့ ည ၈နာရီ နှစ်ကြိမ် နာရီဝက်ကြာ အစီအစဉ်တွေကို ထုတ်လွှင့်ခဲ့တာပါ။
အခက်အခဲတွေကြားက တင်ဆက်နေတာဖမ်းတာကြောင့် ဖမ်းယူနားဆင်ရာမှာ အဆင်မပြေတာရှိခဲ့ရင်လည်း နားလည်ခွင့်လွှတ်ပေးဖို့နဲ့ မကြာမီ ရက်အနည်းငယ်အတွင်း Radio NUG ကို ပြန်လည်ထုတ်လွှင့်ပေးသွားမှာ ဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
အမျိူးသားညီညွတ်ရေးအစိုးရက NUG ရေဒီယိုချန်နယ်ကို စတင်ထုတ်လွှင့်ပြီးနောက် ဈေးကွက်အတွင်း ရေဒီယိုရောင်းအား စံချိန်တင်မြင့်တက်ခဲ့ပြီး လျှပ်စစ်ပစ္စည်းအရောင်းဆိုင်တွေမှာ ရေဒီယိုတွေ ပစ္စည်းပြတ်လပ်တဲ့အထိ ဖြစ်သွားခဲ့ပါတယ်။
