မန္တလေးတိုင်း၊ ကူမဲမြို့နယ်အတွင်း အကြမ်းဖက်ရဲတွေကို မိုင်းဆွဲတိုက်ခိုက်ခဲ့ရာ ၃ ဦးသေပြီး ၂ ဦး ဒဏ်ရာရတယ်လို့ ကျောက်ဆည်နဂါး ပြောက်ကျားတပ်ဖွဲ့က ထုတ်ပြန်ပါတယ်။
မနေ့ည ၁၀ နာရီလောက်က ကျောက်ဆည်ခရိုင်၊ ကူမဲမြို့၊သာလွန်သံလမ်း အရှေ့ဘက်၊ ကွမ်းနောင်ကုန်းကြားမှာ မိုင်းဆွဲခဲ့ခြင်းဖြစ်ကြောင်း ကျောက်ဆည်နဂါးနီ ပြောက်ကျားတပ်ဖွဲ့က ဒီကနေ့ထုတ်ပြန်ပါတယ်။
ကူမဲမြို့ပေါ် နေထိုင်သူတစ်ဦးက ‘ညကတည်းက အသံတွေကြားနေရတယ်။ အခုမနက်ရောက်တော့ သူတို့ထိထားတော့ မြို့ပေါ်မှာ တောင်စစ်မြောက်စစ်နဲ့ ပြည်သူကို ရန်လုပ်နေတယ်’ လို့ ဆိုပါတယ်။
အခုလို တိုက်ခိုက်မှုဟာ ကျောက်ဆည်နဂါးပြောက်ကျားတပ်ဖွဲ့ရဲ့ မဟာမိတ်ဖြစ်တဲ့ မြစ်ငယ် PDF အတွက် သွေးကြွေးဆပ်လိုက်တာလို့ ထုတ်ပြန်ချက်မှာဖော်ပြထားပါတယ်။
မတ်လ ၃၀ ရက်နေ့မှာ မြစ်ငယ် PDF စခန်းကို အကြမ်းဖက်စစ်တပ်က သာလွန်အင်အားနဲ့ ဝင်ရောက်စီးနင်းခဲ့ရာ PDF ရဲဘော် ၂ ဦး ကျဆုံးပြီး ၂၉ ဦး ဖမ်းဆီးခံခဲ့ရပါတယ်။
