မှော်ဘီ လျှပ်စစ်ရုံးအနီးဗုံးပေါက် အမှိုက်ကောက်ကလေးငယ်တစ်ဦး လက်ပြတ်

၃၀၊ ဩဂုတ်လ၊ ၂၀၂၁။

မှော်ဘီမြို့နယ် လျှပ်စစ်ရုံးအနီးမှာ ဩဂုတ်လ ၃၀ရက်နေ့ နံနက် ၉နာရီ ၃၀မိနစ်ခန့်က ဗုံးပေါက်ကွဲမှုဖြစ်ပွါးပြီး အမှိုက်ကောက်နေတဲ့ အသက် ၁၃နှစ်ခန့်ရှိသူ ကလေးငယ်တစ်ဦး ဗုံးဆံထိမှန်ပြီး လက်ပြတ်သွားခဲ့ပါတယ်။


“အမှိုက်ကောက်တဲ့ ကလေး လက်ပြတ်သွားတယ်ပြောတယ်၊ အခုတော့ ရဲရော စစ်သားတွေရော အများကြီးရောက်နေပြီး စစ်နေတုန်း လမ်းတွေလည်း ပိတ်ထားတယ်”လို့ ဒေသခံတစ်ဦးကပြောပါတယ်။

ရန်ကုန်မြို့မှာ ဒီကနေ့ မနက်ပိုင်းမှာ ပေါက်ကွဲမှုတွေ နေရာအများအပြားမှာ ဖြစ်ပွါးနေပါတယ်။