“ရေတက်ပြီး နှစ်ရက်လောက် ကတည်းက ဖုန်းလိုင်းတွေ မမိတော့တာ။ MPT ကဆိုရင် တာဝါတိုင်က စက်တွေကိုပါ ဖြုတ်ယူ သွားကြတယ်”
၈၊ ဩဂုတ်။
တမြို့နယ်လုံး ရေကြီးနေတဲ့ လေးမျက်နှာမြို့နယ်အတွင်းမှာ ဖုန်းလိုင်းတွေ ပြတ်တောက်နေတဲ့ အတွက် ကူညီ ကယ်ဆယ်ရေး အပိုင်းတွေမှာလည်း အချိတ်အဆက်မမိဘဲ အခက်အခဲ ရှိနေပါတယ်။
“တဖွဲ့နဲ့ တဖွဲ့သိပ်ပြီးတော့ အဆက်အသွယ်မရဘူးပေ့ါ။ နောက်ပြီးကျရင် အိမ်ထဲ ပိတ်မိနေတဲ့သူတွေမှာလည်း အ ကူအညီလိုရင် ဖုန်းဆက်အကူအညီလှမ်းတောင်းဖို့ အဆင်မပြေဖြစ်နေတာပေ့ါ။ mytel တခုပဲ လိုင်းနည်းနည်းရ တယ်” လို့ လေးမျက်နှာမြို့နယ်မှာ ကူညီရေးလုပ်နေသူတဦးက ပြောပါတယ်။
လက်ရှိမှာ လေးမျက်နှာမြို့နယ်အတွင်းက MPT၊ Atom ဖုန်းလိုင်းတွေ လုံး၀မမိတော့တာလို့ ဆိုပါတယ်။
“ရေတက်ပြီး နှစ်ရက်လောက် ကတည်းက ဖုန်းလိုင်းတွေ မမိတော့တာ။ MPT ကဆိုရင် တာဝါတိုင်က စက်တွေကိုပါ ဖြုတ်ယူ သွားကြတယ်” လို့ ဟင်္သာတမြို့မှာ ရေဘေးရှောင်နေတဲ့ လေးမျက်နှာမြို့ခံတဦးက ပြောပါတယ်။
လေးမျက်နှာမြို့နယ်အတွင်းမှာ MPT မိုဘိုင်းစခန်း ၁၃ ခုရှိတဲ့ထဲက ၁၁ ခု ပြတ်တောက်နေပြီး နင်းကြမ်းရွာနဲ့ ခမောက်စုရွာစခန်းတို့ လိုင်းပြန်ရနေကာ ပြန်ရတဲ့ဆက်သွယ်ရေး၀န်ဆောင်မှု ၁၆ ဒသမ ၁၈ ရှိတယ်လို့ ဧရာ၀တီတိုင်းအစိုးရအဖွဲ့က ထုတ်ပြန်ထားပါတယ်။
လေးမျက်နှာမြို့တည့်တည့် ငဝန်မြစ်တာဘောင်ကျိုုးသွားတာကြောင့် လေးမျက်နှာမြို့နယ်တခုလုံးအပြင် ဟင်္သာ တ၊ ရေကြည်၊ ကျုံပျော်မြို့နယ်တွေထိပါ ရေကြီးနေတာဖြစ်ပြီး ရေဘေးသင့်ပြည်သူတွေ သောင်းချီရှီနေတာပါ။
ရေကြီးမှုကြောင့် ဒေသခံတွေအများစု ရေဘေးရှောင်စခန်းတွေဆီ တိမ်းရှောင်ခိုလှုံကြပေမယ့် အချို့ကတော့ သူတို့ နေအိမ်အပေါ်ထပ်တွေမှာပဲ အိမ်စောင့်ပြီး ခက်ခက်ခဲခဲ နေထိုင်နေကြတယ်လို့ ကူညီနေသူတွေက ပြောပါတယ်။
“တချို့ဆိုရင် အိမ်ကပစ္စည်းတွေ၊ ဆိုင်ကုန်တွေ ပျောက်မှာစိုးလို့ ဘယ်မှမသွားဘဲ အိမ်ပေါ်တွေမှာပဲ ရှိတာနဲ့ ချက် စားနေကြတယ်။ ကယ်ဆယ်ရေးတွေလာရင် လိုတာလှမ်းတောင်းတယ်။ ကယ်ဆယ်ရေးအဖွဲ့နဲ့ မ တွေ့တဲ့သူတွေကတော့ ရိက္ခာပြတ်ပြီး ငတ်သူငတ်ကြတယ် ပြောတယ်” လို့ ရေဘေးကူညီပေးနေသူ နောက်တဦးက ပြောပါတယ်။
လက်ရှိမှာ ကျိုးပေါက်သွားတဲ့ ငဝန်မြစ်တာဘောင်ကို ပြုပြင်နေကြပေမယ့် ရေမထိန်းနိုင်သေးဘဲ ရေတက်နေဆဲဖြစ် တယ်လို့ သိရပါတယ်။
ရေဘေးကြောင့် ပြည်သူသောင်းချီ တိမ်းရှောင်နေကြရသလို စိုက်ပျိုးပြီးသား စပါးခင်းဧကသောင်းချီဟာလည်း ပျက် စီးနေရတယ်လို့ ဒေသခံတွေက ပြောကြပါတယ်။
အခုရေကြီးနေတာဟာ လေးမျက်နှာမြို့တည့်တည့် ငဝန်မြစ်တာဘောင်နိမ့်ဆင်း၊ ရေစိမ့်ရာကနေ ထိန်းမနိုင်တဲ့ထိ ကျိုးပေါက်သွားတာကြောင့်ဖြစ်ပါတယ်။ အဲဒီတာဘောင်ဟာ ဇူလိုင်လ ၃၀ ရက်နေ့ ညနေ ၃နာရီ ကျော်လောက်က စပြီး အလျား ၃၀ ပေ၊ အနံ ၅ ပေလောက် တာဘောင်နိမ့်ဆင်း၊ ရေစိမ့်နေခဲ့တာဖြစ်ကာ အခုအခါမှာတော့ တာ ဘောင်အပေါက်ဟာ ပေ ၂၀၀ ကျော်လောက်ထိ ကျယ်သွားခဲ့ပြီဖြစ်ပါတယ်။
အဲဒီတာဘောင်ကို မပိတ်နိုင်သရွေ့ ရေဟာ ကာလရှည်ကြာကြီးနေနိုင်တာကြောင့် အခုရေဘေးကို အစိုးရအနေနဲ့ အထူးစီမံချက်ချမှတ်ကာ ဆောင်ရွက်ဖို့လိုတယ်လို့ ကူညီပေးနေသူတွေက ပြောကြပါတယ်။