ဖျာပုံ​ထွေအုပ်ဝန်ထမ်းအမျိုးသမီးတဦး အကြမ်းဖက်ဥပဒေနဲ့ ထောင်ဒဏ်ချမှတ်ခံရ

စက်တင်ဘာလ ၂၃ ရက်နေ့က ဧရာဝတီတိုင်း၊ ဖျာပုံ​မြို့ထွေထွေအုပ်ချုပ်ရေးမှူးရုံးဝန်ထမ်း အမျိုးသမီး တဦးကို အကြမ်းဖက်ဥပဒေ ပုဒ်မ ၅၂(ည)နဲ့ စစ်ကောင်စီလက်အောက်ခံ ဖျာပုံ မြို့နယ် တရားရုံးက ထောင်ဒဏ် ၃ နှစ်ချမှတ်ခဲ့တယ်လို့ အကျဥ်းဦးစီးနဲ့ နီးစပ်သူတွေက DNA ကိုပြောပါတယ်။
ဖျာပုံ ၁၇ ရပ်ကွက်နေ မသဇင်အေး ထွေထွအုပ်ချုပ်ရေးမှူးရုံး စာရေးဝန်ထမ်းကို သူ့ရဲ့ လက်ကိုင်ဖုန်းထဲမှာတွေ့တဲ့ အချက်အလက်တွေနဲ့ ပါတ်သက်ပြီး ပြီးခဲ့တဲ့ မေလက တရားစွဲဆိုခံရတာလို့ ဆိုပါတယ်။
“ဖျာပုံမှာက အကြမ်းဖက်ဥပဒေနဲ့ အမှုဖွင့်ခံရပြီးတော့ ပြန်လွတ်သွားတဲ့သူတွေလဲရှိပါတယ် ၊ အမှုမဖွင့်ရပဲ လွတ်သွားတဲ့သူတွေလဲရှိနေပါတယ် ၊ သဇင်အေးကတော့ ထွေအုပ်စာရေးထဲမှာ ပထမဆုံးထောင် ၃ နှစ် ပြစ်ဒဏ် ကျခံရတဲ့သူပေါ့ ဆင်းရဲတော့ ပိုက်ဆံမပေးနိုင်ဘူးလေ အဲတော့ထောင်တာပါပဲ” လို့ ဖျာပုံမြို့မှ နိုင်ငံရေးတက်ကြွလှုပ်ရှားသူတဦးက ပြောပါတယ်။
ဖျာပုံမြို့မှာ မသင်္ကာစွပ်စွဲပြီး ဖမ်းဆီးတရားစွဲခံထားရသူ အယောက် လေးဆယ်ကျော်ရှိနေပြီး အဲဒီထဲမှာ ရဲဝန်ထမ်းနဲ့ ထွေအုပ်ဝန်ထမ်းတွေလည်း ပါဝင်တယ်လို့ မြို့ခံတွေဆီက သိရပါတယ်။

Delta News

Read Previous

“ကလေးပါမကျန် သတ်တဲ့ဖက်ဆစ်တပ် ပြည်သူ့အားနဲ့အမြစ်ဖြတ်”ဆိုတဲ့ ကလေးမြို့ပင်မသပိတ်စစ်ကြောင်း

Read Next

ရခိုင်ကတိုက်ပွဲတွေအတွက် စစ်တပ်ကလူစုဆောင်းနေလို့ ကလေးနဲ့ ဂန့်ဂေါနယ်က ပျူစောထီးတွေ ထွက်ပြေး