တမူးမြို့က ရန်လင်းဖိုင်ရွာကို စစ်ကောင်စီကဒုတိယအကြိမ် မီးရှို့ဖျက်ဆီး

Photo – CJ

စစ်ကိုင်းတိုင်း၊ တမူးမြို့နယ်က ရန်လင်းဖိုင်ကျေးရွာကို စစ်ကောင်စီစစ်ကြောင်းက စက်တင်ဘာ (၁၉) ရက် ဒီနေ့မနက်ပိုင်းမှာ ထပ်ပြီးမီးရှို့ဖျက်ဆီးခဲ့တယ်လို့ ဒေသခံတွေကပြောပါတယ်။

ကလေးမြို့ကနေ တမူးမြို့ဆီလာတဲ့ စစ်ကောင်စီစစ်ကြောင်းနဲ့ တမူးဒေသခံကာကွယ်ရေးတပ်တွေ ရန်လင်းဖိုင် ရွာနားမှာထိတွေ့မှု ဖြစ်အပြီးမှာ စစ်တပ်ကရွာကို မီးရှို့ခဲ့တာဖြစ်တယ်လို့ ဒေသခံတွေက ဆိုပါတယ်။

“ရန်လင်းဖိုင်က ပထမအကြိမ်မီးရိူ့ခံရပြီးကတည်းက ရွာမှာလူတစ်ယောက်မှကိုမနေကြတော့တာ၊မီးမလောင်သေးတဲ့အိမ်တွေလည်း ဒီတိုင်းပဲရှိနေတာ၊အဲဒီအိမ်တွေကို ထပ်ရှို့တာနေမှာ” လို့ ဒေသခံတစ်ဦးကပြောပါတယ်။

ရန်လင်းဖိုင်ကျေးရွာဟာ တမူးမြို့တောင်ဘက် ဆယ့်နှစ်မိုင်ဝန်းကျင်အကွာ ကလေး-တမူး လမ်းမကြီးဘေးမှာ တည်ရှိပြီးအိမ်ခြေ ၅၀ ဝန်းကျင်သာရှိတဲ့ရွာလေးတစ်ရွာဖြစ်ပါတယ်။

အဲ့ဒီရွာကိုစစ်ကောင်စီက ပြီးခဲ့တဲ့ ဇူလိူင် (၂၃) ရက်မှာ ပထမအကြိမ် မီးရှို့ဖျက်ဆီးခြင်းကိုခဲ့လို့ ရွာသူရွာသားတွေဟာ နီးစပ်ရွာကျေးရွာတွေမှာ တိမ်းရှောင်နေထိုင်နေကြတာဖြစ်တယ်လို့ သိရပါတယ်။

Delta News

Read Previous

တရုတ်ကသာ ကျူးကျော်လာရင် ထိုင်ဝမ်ကို ကာကွယ်ပေးမယ်လို့ ဘိုင်ဒန်ပြော

Read Next

ကန့်ဘလူမှာ အကြမ်းဖက်စစ်တပ်ရမ်းသမ်းပစ်ခတ်မှုကြောင့် ကလေးငယ်တစ်ဦး သေဆုံး