ဘီးလင်းမှာ နယ်ကျွံလာတဲ့ အကြမ်းဖက်စစ်တပ်ကို KNLAပူးပေါင်းတပ်ဖွဲ့တိုက်ခိုက်၊စစ်သား ၂ဦးသေ

မွန်ပြည်နယ်၊ဘီးလင်းမြို့နယ်၊ဒေါက်ရပ်ရွာအနီး နယ်ကျွံလာတဲ့ အကြမ်းဖက်စစ်တပ်ကို KNLAပူးပေါင်းတပ် ဖွဲ့ က သွားရောက်တိုက်ခိုက်ခဲ့ရာ စစ်သား၂ဦးသေဆုံးကာတစ်ဦးဒဏ်ရာရခဲ့တယ်လို့သိရပါတယ်။
မေလ၁၇ရက်နေ့၊မနက်၆နာရီကနေ ၁၀နာရီခွဲအထိတိုက်ပွဲဖြစ်ပွားခဲ့ပြီး KNLAတပ်မဟာ(၁) တပ်ရင်း(၂)၊ဘီးလင်းမြို့နယ်ပြည်သူ့ကာကွယ်ရေးတပ်ဖွဲ့(ပကဖ)နဲ့ သထုံမြို့နယ်ပြည်သူ့ကာကွယ်ရေးအင်အားစု(TPDF)တို့ပူးပေါင်းကာ သွားရောက်တိုက်ခိုက်ခဲ့ခြင်းဖြစ်ကြောင်း ဘီးလင်းပြည်သူ့ကာကွယ်ရေးတပ်ဖွဲ့က ဒီနေ့မနက်မှာ သတင်းထုတ်ပြန်ပါတယ်။
အဲဒီတိုက်ပွဲမှာ KNLAပူးပေါင်းတပ်ဖွဲ့ဝင် ၂ဦး ကျဆုံးခဲ့ပြီး တစ်ဦး ဒဏ်ရာရခဲ့ပါတယ်။
ဘီးလင်းပြည်သူ့ကာကွယ်ရေးတပ်ဖွဲ့ဝင်ရဲ​ဘော်စောဒီးဒူဟာ မေလ ၁၇ရက်နေ့၊ တိုက်ပွဲတစ်နေရာမှာ ဂုဏ်ရောင်ပြောင်စွာနဲ့ အသက်ကို ပေးလှူသွားခဲ့ကြောင်းရဲဘော်စောဒီးဒိုရဲ့သတ္တိနဲ့စွန့်လွှတ်စွန့်စားမှုကို လေးနက်စွာ ဂုဏ်ပြုမှတ်တမ်းတင်ကြောင်းလည်း ဘီးလင်းပြည်သူ့ကာကွယ်​ရေးတပ်ဖွဲ့က ထုတ်ပြန်ထားပါတယ်။