NUG နဲ့အလွတ်သဘောတွေ့ဆုံဖို့ အာဆီယံမှာ မလေးရှားအဆိုပြုမယ့်အပေါ် APHR ဥက္ကဌ ကြိုဆို

အာဆီယံအနေနဲ့ အမျိုးသားညီညွတ်ရေးအစိုးရ (NUG) နဲ့ အလွတ်သဘော တွေ့ဆုံ ဆက်ဆံလုပ်ကိုင်သင့်တယ်ဆိုတဲ့ မလေးရှားနိုင်ငံခြားရေးဝန်ကြီး တင်သွင်းမယ့် အဆိုပြုချက်ကို လူ့အခွင့်အရေးအတွက် အာဆီယံအမတ်များအဖွဲ့ (APHR) ဥက္ကဋ္ဌ Charles Santiago က ကြိုဆိုလိုက်ပါတယ်။
အဲဒီအဆိုပြုချက်ကို လာမယ့်အာဆီယံနိုင်ငံခြားရေးဝန်ကြီး အစည်းအဝေးမှာ မလေးရှားနိုင်ငံခြားရေးဝန်ကြီးက တင်သွင်းဖို့ရှိနေပြီး အာဆီယံအဖွဲ့ဝင်နိုင်ငံတွေအနေနဲ့ ထောက်ခံသင့်တယ်လို့ Charles Santiago က ပြောပါတယ်။
မြန်မာ့အရေးအာဆီယံမူ ၅ ရပ် တစ်နှစ်ပြည့်ဖြစ်တဲ့ ၂၀၂၂ ဧပြီ ၂၄ ရက်နေ့မှာ APHR က တရားဝင် ရွေးကောက်ထားတဲ့ အစိုးရနဲ့ပဲ ဆက်ဆံပြီး စစ်အုပ်စုကို လုံးဝအသိအမှတ်မပြုဖို့အပါအဝင် အချက် ၅ ချက်ကို လုပ်ဆောင်ဖို့ အာဆီယံအသင်းထံ တိုက်တွန်းကြောင်း အိတ်ဖွင့်ပေးစာ ပေးပို့ခဲ့ပါတယ်။
မလေးရှား နိုင်ငံခြားရေးဝန်ကြီးက အာဆီယံနိုင်ငံခြားရေးအစည်းအဝေးမှာ အဆိုပြုမယ့်အပေါ် အကြမ်းဖက်စစ်အုပ်စုက တာဝန်မဲ့၊ အဆင်ခြင်မဲ့ ပြောဆိုချက်ဖြစ်တယ်လို့ ကန့်ကွက်ထားပါတယ်။

Delta News

Read Previous

မုံရွာမှာ Freedom is not Free စာသားကိုင်‌ဆောင် ချီတက် သပိတ်မှောက်

Read Next

သံတောင်မှာ ရဲနှစ်ဦးကို ရှင်းလင်း