၂၆၊ ဒီဇင်ဘာလ၊ ၂၀၂၁။
အကြမ်းဖက်စစ်အုပ်စုဟာ ပြည်သူ့အင်အားကို အရက်စက်ဆုံးချေမှုန်းတဲ့နည်းနဲ့ ရေရှည်မှာ ယှဉ် လို့မရတဲ့ဗျူဟာကိုကျင့်သုံးနေတယ်လို့ အငြိမ်းစားတပ်အရာရှိကြီးတစ်ဦးကဆိုပါတယ်။
ဒီကနေ့စစ်အုပ်စုရဲ့ လုပ်ရပ်ဟာ ဒုတိယအာဏာရှင် သန်းရွှေ ဦးဆောင်တဲ့စစ်အစိုးရရဲ့ ရက်စက်မှုထက် သိသိ သာသာပိုပြင်းထန်ပြီး ပြည်သူကိုအကြောက်တရားပေးခြင်းနဲ့ ရေရှည်မှာ အာဏာရှင်ဆန့်ကျင်ရေးအင်အားစု လျော့ပါးသွားစေရေးနည်းကို အဓိက အားပြုလုပ်ဆောင်နေတယ်လို့ သိရပါတယ်။
‘မင်းအောင်လှိုင်က အခုမြန်မာပြည်သူတွေမပြောနဲ့၊နိုင်ငံတကာကိုလည်း ဂရုမစိုက်ဘူး။ပြည်သူထောက်ခံမှုရဖို့ တွေဘာတွေလည်းမကြိုးစားဘူး။သူ့ကိုယ်သူဒီပွဲမှာမနိုင်ရင် ကြိုးစင်တက်ရမယ်ဆိုတာလည်းကောင်းကောင်း သိတယ်။အဲဒါကြောင့် ပြည်သူကို မလှန်ရဲအောင် မြန်မြန်မပြီးတောင် ကြာရင် အင်အားချိနဲ့လာအောင် လုပ်နေ တယ်။ပြီးတော့ တပ်ထဲကပြေးသူတွေအတတ်နိုင်ဆုံးမရှိအောင် ကြိုးစားနေတယ်’လို့ သူကပြောပါတယ်။
အကြမ်းဖက်စစ်တပ်အတွင်းက အရာရှိကြီးတွေကြားထဲ တိုးတိုးတိတ်တိတ်ဝါဒဖြန့်နေမှုမှာ ဒီပွဲမှမနိုင်ရင် အကုန်အိုးစားကွဲမယ်ဆိုတာဖြစ်ကြောင်းသိရပါတယ်။
‘မင်းအောင်လှိုင်က သူ့လူတွေကို ကြိုးတစ်ကြိုးတည်းပူးချည်လိုက်တဲ့သဘောပဲ။ငါတို့မနိုင်ရင် ငါတင်မက မင်း တို့လည်းဒုက္ခရောက်မယ်လို့ ခြိမ်းခြောက်တဲ့နည်းနဲ့ စည်းရုံးနေတာပါ။တပ်ထဲက ခပ်ကြီးကြီးကောင်တွေ CDM လုပ်မှာလည်းသေမလောက်ကြောက်နေရတယ်’လို့ သူကပြောပါတယ်။
ဒါ့ကြောင့် ဒီမိုကရေစီအင်အားစုတွေအနေနဲ့မလိုအပ်ဘဲ အင်အားမပြုန်းတီစေဖို့နဲ့ နိုင်ငံတကာရဲ့ လက်တွေ့ကျတဲ့အကူအညီတွေရဖို့ အရေးတကြီးလိုနေပြီလို့ သူကဆက်ပြောပါတယ်။
အကြမ်းဖက်စစ်တပ်ဟာ အရပ်သားတွေကိုပါမချန် လေကြောင်းကနေပစ်ခတ်နေခြင်းဟာ သူတို့ကိုယ်သူတို့ ဂိတ်ဆုံးလို့သတ်မှတ်ထားတာဖြစ်တယ်လို့လည်း ဆိုပါတယ်။