မြောင်းမြမှာ သဘာဝဘေး အန္တရာယ် ကာကွယ်ဖို့ဆိုကာ ပဌာန်းပူဇော်ပွဲတွေ ပြုလုပ်နေ

ဧပြီ ၂

ဧရာဝတီတိုင်း မြောင်းမြမြို့မှာ သဘာဝဘေးအန္တ ရာယ်တွေ မကျရောက်ဖို့အတွက် ရပ်ကွက်ရုံး၊ ဘုန်း ကြီးကျောင်းအပါအဝင် မြို့တွင်းမှာပါ ကားနဲ့လှည့် ပြီး ပဌာန်းရွတ်ဖတ်ပူဇော်မှုတွေ ပြုလုပ်နေတယ်လို့ မြောင်းမြဒေသခံတွေဆီက သိရပါတယ်။

ပြည်သူတွေက မုန်တိုင်းဘာညာရှိတော့ စိတ်ပူတာတော့ရှိပေမယ့် အခုက အုပ်ကြီးတို့တွေ ဦးစီးလုပ် ကြတာဆိုတော့ အထက်ကညွှန်ကြားတာဖြစ်မယ် လို့ ဒေသခံတွေက DNA ရဲ့ ဆက်သွယ်မေးမြန်းမှုအပေါ် တူညီစွာ ဖြေကြားခဲ့ကြပါတယ်။

မနေ့က ဧပြီလ ၁ ရက်နေ့မှာ မြောင်းမြမြို့က လှုမှုကွန်ရက်စာမျက်နှာတွေပေါ်မှာ သဘာဝဘေးအန္တ ရာယ်ကို ပဌာန်းနဲ့ကာကွယ်လို့ရလားဆိုတဲ့ မေးခွန်းတွေနဲ့ ပို့စ်တွေတင်ခဲ့ကြပေမယ့် စစ်ကောင်စီက အရေးယူမှာစိုးရိမ်လို့ အချိန်ပိုင်းအတွင်းပြန်လည် ဖြုတ်ချသွားခဲ့ကြပါတယ်။

သဘာဝဘေးအန္တရာယ်ဆိုတာ ကြိုတင်ကာကွယ်ရတာ မဟုတ်ဘူးလားဗျာ။ ဘာသာရေးကို စော်ကားတာ မဟုတ်ပါဘူး ခုတကယ်ဖြစ်တော့ ဘယ်ဘုရားက လာကယ်လို့လဲ လို့ မြောင်းမြမြို့ပေါ်မှာ နေထိုင် သူ တဦးက DNA ကိုပြောပါတယ်။

မြောင်းမြမြို့ ဒေသခံတွေဟာ ပြီးခဲ့တဲ့ရက်ပိုင်းကလှုပ်ခတ်ခဲ့တဲ့ ငလျင်ဒဏ်သင့်ဒေသတွေအတွက် စုပေါင်းကူညီထောက်ပံ့မှုတွေ ပြုလုပ်နေကြပြီး လူမှုကယ်ဆယ်ရေးတချို့လည်း မန္တလေးဘက်ကို ထွက်ခွာကူညီနေတာတွေ ရှိပါတယ်။

#မြောင်းမြ #သဘာဝဘေးအန္တရာယ် #ပဌာန်းပူဇော်ပွဲ #DeltaNewsAgency