စစ်ကိုင်းမြို့ ရေမျက်ကြီးအင်းအတွင်း အကြမ်းဖက်စစ်အုပ်စုက လေယာဉ်တစ်စီး ပျက်ကျသွားတယ်လို့ ဒေသတွင်း သတင်းအရင်းအမြစ်တွေက ကနဦး သတင်းပေးပို့လာပါတယ်။
ဒီကနေ့ ဖေဖေါ်ဝါရီလ ၁၆ ရက်နေ့ မနက် ၁၀ နာရီ ၄၅ မိနစ်ခန့်မှာ စစ်အုပ်စုရဲ့ တိုက်လေယာဉ်တစ်စီး ရေမျက်ကြီးအင်းအတွင်း ထိုးကျသွားခဲ့တာဖြစ်တယ်လို့ ကနဦး သတင်းတွေအရ သိရပါတယ်။
“လက်နက်ကြီးကျတာထင်ပြီး ပစ်ကြပြန်ပြီထင်တာ၊ အနားက လူတွေပြောမှ လေယာဉ်ပျက်ကျတာလို့ သိရတာ၊ ပေါက်ကွဲသံတွေ ဆက်တိုက်ကြားလိုက်ရတယ်၊ အခုတင်ပဲ ထပ်သိရတာက အင်းထဲမှာ အလောင်းတစ်လောင်းပေါ်လာတယ်လို့ သိရတယ်၊ လေယာဉ်တွေလဲ ထပ်ဝဲနေတယ်”လို့ ဒေသခံတစ်ဦးကပြောပါတယ်။
ရေမျက်ကြီးအင်းအတွင်း ပေါက်ကွဲမှုဖြစ်ပွားခဲ့တဲ့ အသံတွေဟာ စစ်အုပ်စုရဲ့ လေယာဉ်ပျက်ကျတာ ဟုတ်မဟုတ်ကိုတော့ သီးခြားအတည်ပြုနိုင်ခြင်း မရှိသေးပါဘူး။
