၇ ၊ဩဂုတ်လ ၊၂၀၂၁။
တရုတ်နိုင်ငံ ဂျယ်ဂေါင်မြို့ကနေ မြန်မာနိုင်ငံ မူဆယ်မြို့ကို ပြန်လည်ဝင်ရောက်လာကြတဲ့ မြန်မာလုပ်သား ၃ ထောင်ကျော် ရှိပါပြီ။
ဇူလိုင်လ ၂၆ ရက်ကနေ ဩဂုတ်လ ၅ရက်နေ့အထိအထိ (၁၁)ရက်အတွင်း တရုတ်-မြန်မာနယ်စပ် ဂျယ်ဂေါင်-မူဆယ် နန်းတော်ပေါက် ဂိတ်ကနေ ပြန်ဝင်လာကြတဲ့ အရေအတွက် ဖြစ်ပါတယ်။
ဂျယ်ဂေါင်နဲ့ ရွှေလီမြို့မှာ ကိုဗစ်ရောဂါကြောင့် အလုပ်တွေ ပိတ်ထားလို့ ပြန်လာကြတာပါ။
ရွှေလီမြို့မှာလည်း လော့ဒေါင်း ပြန်ဖွင့်ပြီး ၆ ရက်အကြာ သြဂုတ် ၃ ရက်မှာ ကိုဗစ်လူနာ ထပ်တွေ့တာကြောင့် ရက်အကန့်သတ်မရှိ လော့ဒေါင်း ပြန်ချလိုက်ပါတယ်။
ဇူလိုင် ၂၆ ရက်ကနေ ဇူလိုင် ၃၁ ရက်အထိ ပြည်တော်ပြန် မြန်မာလုပ်သား (၁,၃၀၀)ကျော်နဲ့ သြဂုတ် ၁ ရက်ကနေ ဩဂုတ်လ ၅ရက်နေ့အထိ (၁,၈၀၀)ကျော် ဝင်ရောက်လာတယ်လို့ ကူညီပေးနေတဲ့ မူဆယ်မြို့ လူသားချင်း စာနာထောက်ထားမှု အကူအညီ ပေးအပ်ရေး ကွန်ယက်ရဲ့စာရင်းအရ သိရပါတယ်။
ဓာတ်ပုံ- လူသားချင်း စာနာထောက်ထားမှု အကူအညီ ပေးအပ်ရေး ကွန်ယက်
Credit – ရွှေဖီမြေသတင်းအေဂျင်စီ
