မြဝတီမှာ ဆိုင်ကယ်ချင်းတိုက်မှုဖြစ်ပြီး စစ်သားနှစ်ဦးနဲ့အရပ်သားတဦးသေဆုံး

ကရင်ပြည်နယ်၊ မြဝတီမြို့၊ သစ်တစ်ပင်လမ်းထိပ် ယခင် အဝေးပြေးဂိတ်နေရာဟောင်းမှာ ဒီကနေ့ ဇန်နဝါရီ ၈ရက်ညနေ ၄နာရီက ဆိုင်ကယ်နှစ်စီး မျက်နှာချင်းဆိုင်တိုက်မှုဖြစ်ပြီး စစ်သားတဦးနဲ့ အ ရပ်သားတဦး သေဆုံးသွားတယ်လို့ မြဝတီမြို့က အလင်းသစ် လူမှုကူညီရေးအသင်း တာဝန်ရှိသူ တဦးက DNA ကိုပြောပါတယ်။
 
“လေးနာရီလောက်မှာ အသင်းကိုဆက်သွယ်လာလို့ သွားရောက်ကူညီခဲ့တာ၊ ကတ္တရာလမ်းနဲ့ဦးခေါင်းနဲ့ရိုက်မိတာ ဒဏ်ရာတွေကများတော့ နေရာမှာတင် သုံးယောက်လုံး သေဆုံး(DB)သွားတယ် “လို့ သူကပြောပါတယ်။
 
Honda click ဆိုင်ကယ်စီးနင်းလာသူ စစ်‌‌ကောင်စီတပ်ဖွဲ့ဝင် နှစ်ဦး နဲ့ Honda wave ဆိုင်ကယ်စီးနင်းလာတဲ့ အရပ်သား တဦးတို့ မျက်နှာချင်းဆိုင်တိုက်မိရာက သုံးဦးလုံးနေရာမှာတင် သေဆုံးခဲ့တာလို့သိရပါတယ်။
 
ယာဉ်မတော်တဆမှုနဲ့သေဆုံးသွားသူတွေကို မြဝတီမြို့ ဆေးရုံကြီးဆီ ကူညီပို့ဆောင်ခဲ့ပြီး သေဆုံးသွားသူတွေရဲ့ နေရပ်လိပ်စာနဲ့နာမည်တွေကိုတော့မသိရသေးဘူးလို့ ကယ်ဆယ်ရေးအဖွဲ့ဝင်တဦးကပြောပါတယ်။