မကွေးတိုင်းဒေသကြီး၊ ဂန့်ဂေါမြို့နယ်မြောက်ပိုင်းမှာ ဒီနေ့မနက်ပိုင်းကစပြီး တိုက်ပွဲတွေ ဖြစ်ပွားနေတယ်လို့ ဒေသခံတွေဆီက သိရပါတယ်။
မနက်ကတည်းက ဂန့်ဂေါခရိုင် ကန်၊ ကန်သာ၊ မွေ့လယ်၊ တောင်ခင်ရန်းရွာအထိ ဖုန်းလိုင်းတွေ ပြတ်တောက်နေပြီး နှမ်းခါးကျေးရွာဘက်မှာ တိုက်ပွဲဖြစ်နေတယ်လို့ ဆိုပါတယ်။
“နှမ်းခါးမှာတိုက်နေကြတာ ကြားရသလောက်တော့ ခွေးတွေ ဆယ့်ငါးကောင်သေတယ် ၊ ဖုန်းကတော့ လုံးဝမရဘူး”လို့ ရှားဖိုကျေးရွာဒေသခံတဦးက ပြောပါတယ်။
အကြမ်းဖက်စစ်အုပ်စုဟာ ပြီးခဲ့တဲ့ရက်ပိုင်းကတည်းက ကန်ရွာမှာ စခန်းချပြီး အနီးဝန်းကျင်ရွာတွေက စစ်ကြောင်းတွေနဲ့ ပူးပေါင်းကာ ဒေသခံတွေကိုဖမ်းဆီးတာ နေအိမ်တွေကို မီးရှို့ဖျက်ဆီးတာ ၊ ပစ္စည်းတွေ လုယူတာတွေ ပြုလုပ်နေတာ ဖြစ်ပါတယ်။
