ရန်ကုန်တိုင်း၊ လှိုင်သာယာမြို့နယ် အမှတ် ၆ ရပ်ကွက်၊ ပီမိုးနင်းလမ်းမပေါ် သစ္စာလမ်းထိပ်တွင် ကင်းပတ်မယ့် ပျူစောထီးအဖွဲ့သားတွေကို မနေ့က မတ်လ ၁၉ ရက်နေ့ည ၁၀ နာရီ ၃၅ မိနစ်က ဗုံးပေါက်ခွဲခဲ့တာဖြစ်ပြီး YUF (Yangon Underground Force) နဲ့ Black Eagle Ranger ပူးပေါင်းတပ်ဖွဲ့တို့ ပူးပေါင်းလုပ်ဆောင်ခဲ့တာလို့ YUF တပ်ဖွဲ့က ထုတ်ပြန်ခဲ့ပါတယ်။
ပေါက်ကွဲမှုဖြစ်ပွါးပြီး အကြမ်းဖက်စစ်အုပ်စု တပ်အင်အားအများအပြား ရောက်ရှိလာကာ လမ်းပိတ်စစ်ဆေး တင်းကြပ်တာတွေ ပြုလုပ်ခဲ့ပေမယ့် ဗုံးဖောက်ခွဲခဲ့တဲ့ တပ်ဖွဲ့ဝင်တွေ အားလုံးဘေးကင်းလုံခြုံရာကို အကျအဆုံးမရှိ ရောက်ရှိခဲ့တယ်လို့ ထုတ်ပြန်ထားပါတယ်။