အကြမ်းဖက်မြန်မာစစ်တပ်ကို ယူကရိန်းက စစ်လက်နက်​တွေ ​ထောက်ပံ့​နေ

၁၀၊ စက်တင်ဘာလ၊ ၂၀၂၁။

တရားမဝင်အာဏာသိမ်းတဲ့အကြမ်းဖက်မြန်မာစစ်တပ်ကို ယူကရိန်းက စစ်လက်နက်ပံ့ပိုးမှု​တွေ ဆက်လုပ်နေတယ်လို့ Justice for Myanmar အဖွဲ့ မနေ့ကထုတ်ပြန်ပါတယ်။

လူအများအပြားသတ်ဖြတ်မှု၊ ဖမ်းဆီးမှု​တွေနဲ့ အရပ်သားပြည်သူတွေအပေါ် တိုက်ခိုက်မှု​တွေ လုပ်ဆောင်နေတဲ့ မြန်မာစစ်တပ်ကို အခုချက်ချင်း စစ်လက်နက်ရောင်းချမှုပိတ်ဆို့ရေး ပြဌာန်းလုပ်ဆောင်ဖို့နဲ့ မြန်မာစစ်တပ်နဲ့ ဆက် နွယ်မှုတွေကို ဖြတ်တောက်ဖို့ Justice for Myanmar က တောင်းဆိုပါတယ်။

တစ်ဆက်တည်းမှာ ယူကရိန်းကို စစ်ဘက်အကူအညီပေးသူ​တွေ အထူးသဖြင့် အမေရိကန်ပြည် ထောင်စု၊ ဥရောပသမဂ္ဂနဲ့ ဗြိတိန်တို့အနေနဲ့ နိုင်ငံတကာဥပဒေ​တွေနဲ့ စံနှုန်း​တွေကို လိုက်နာစေရေး ယူကရိန်းကို ဖိအား​ပေးဖို့ Justice For Myanmar က တိုက်တွန်းထားပါတယ်။

Justice For Myanmar ရဲ့လေ့လာမှုအရ ၂၀၁၅ ခုနှစ်ကစပြီး လေယာဉ်​တွေ၊ သင်္ဘော​တွေ၊ တင့်ကားအစိတ်အပိုင်း​တွေကို တင်ပို့ခဲ့ပြီး လေကြောင်း ထောက်လှမ်းရေး ရေဒါ​တွေကိုလည်း မြန်မာစစ်တပ်နဲ့ ပုဂ္ဂလိကမြန်မာစစ်လက်နက်ပွဲစား​တွေဆီကို ပေးပို့ခဲ့တယ်လို့ ဆိုပါတယ်။

ယူကရိန်းအတွက် မြန်မာ့အကြီးဆုံးစစ်လက်နက်ပွဲစားဟာ အောင်လှိုင်ဦး ဆိုသူဖြစ်ပြီး သူ့ကို ယူကရိန်းရဲ့ မြန်မာနိုင်ငံဆိုင်ရာ ဂုဏ်ထူးဆောင်ကောင်စစ်ဝန်အဖြစ် ခန့်အပ်ချီးမြှင့်ထားကာ အဲဒီရာထူးကနေ မဖြစ်မနေ ဖယ်ရှားရမယ်လို့ Justice for Myanmar က တောင်းဆိုပါတယ်။