၁၃၊ နိုဝင်ဘာလ၊ ၂၀၂၀။
ဒီနေ့မနက်စာရင်းအရ ဖျာပုံမြို့မှာ COVID 19အတည်ပြုလူနာသစ် (၂)ဦး တွေ့ရှိခဲ့တယ်လို့ ဖျာပုံဆေးရုံအုပ်ကြီး ဒေါက်တာ ဒေါ်ဇင်မာစိုးကပြောပါတယ်။
ဖျာပုံမြို့နယ်၊သဲအိမ်တမံကျေးရွာအုပ်စု၊ ပုလဲကျေးရွာနေ အသက်(၂၈)နှစ်အရွယ် ကိုယ်ဝန်ဆောင် အမျိုးသမီးတစ်ဦးဖြစ်ပြီး ရန်ကုန်တိုင်းက ပြန်ရောက်လာလို့ Facility Quarantine Center မှာ အသွားအလာကန့်သတ်စောင့်ကြည့်ခံထားရသူပါ။
နောက်တစ်ဦးကတော့ ဖျာပုံမြို့နယ် ၊ လက်ပန်ကျေးရွာအုပ်စုနေ အသက်(၅၂)နှစ်အရွယ် အမျိုးသားတစ်ဦးပါ။ သူဟာ ဒေးဒရဲမြို့အဝင်ဂိတ်မှာ RDTနဲ့ စစ်ဆေးလိုက်တဲ့အခါ ပိုးတွေ့ရှိတာ ဖြစ်တယ်လို့ ဆေးရုံအုပ်ကြီးက ဆက်ပြောပါတယ်။
ဒီကနေ့မနက် တိုင်းကျန်းမာရေးက ထုတ်ပြန်ချက်အရ ဧရာဝတီတိုင်းမှာ ပိုးတွေ့လူနာ စုစုပေါင်း (၁၇၁၉)ဦးရှိလာပြီဖြစ်ပြီး ဖျာပုံမြို့နယ်မှာ ပိုးတွေ့လူနာ (၁၀၇)ဦးအထိ ရှိလာပြီ ဖြစ်ပါတယ်။