အင်းစိန်အကျဥ်းထောင်မှာ ထောင်အာဏာပိုင်တွေက နိုင်ငံရေးအကျဥ်းသား ၃ဦးကို ထပ်မံစီရင်ခဲ့တယ်လို့ နိုင်ငံရေးအကျဥ်းသားဟောင်း ဦးထွန်းကြည်က DNA ကို ပြောပါတယ်။
“အခုက သေဒဏ်ချမှတ်ခံထားရတဲ့ နိုင်ငံရေးအကျဥ်းသားက ရာနဲ့ချီပြီးရှိတယ်။နောက်ဆက်တွဲဘယ်နှစ်ယောက်ကိုစီရင်လဲဆိုတာတော့ အတိအ ကျမသိဘူး။ထောင်ဖရဲသီးတွေဆီက သတင်းစုံစမ်းနေတယ်။အနည်းဆုံး သုံးယောက်ကိုရှင်းလိုက်ပြီလို့တော့ သိရတယ်”လို့ နိုင်ငံရေးအကျဥ်းသားဟောင်း ဦးထွန်းကြည်က ပြောပါတယ်။
အဲ့ဒီ နိုင်ငံရေးအကျဥ်းသား ၃ဦးကို ဇူလိုင် ၂၃ရက်က အင်းစိန်အကျဥ်းထောင်မှာ ကိုဂျင်မီ၊ကိုဖြိုးဇေယျာသော်၊ကိုလှမျိုးအောင်၊ကိုအောင်သူရဇော်တို့ကို အကျဥ်းထောင်အာဏာပိုင်တွေက စီရင်ခဲ့ပြီးနောက်မှာ ထပ်မံစီရင်ခဲ့တာလို့လည်း ဆိုပါတယ်။
အခုလို နိုင်ငံရေးအကျဥ်းသားတွေအပေါ် သေဒဏ် ချမှတ်စီရင်ခဲ့တဲ့အတွက် ဇူလိုင် ၂၅ရက်မှာအကျဥ်းထောင်အသီးသီးမှာရှိတဲ့ အကျဥ်းသားတွေက ဆန္ဒပြမှုတွေ လုပ်ဆောင်ခဲ့ပေမယ့် ထောင်အာဏာပိုင်တွေက ပစ်ခတ်နှိမ်နှင်းတာ၊ဦးဆောင်သူတွေကို ဝိုင်းရိုက်နှက်တာတွေ လုပ်ဆောင်ခဲ့တာ ကြောင့် တချို့အကျဥ်းသားတွေဆိုရင် အပြင်းအ ထန်ဒဏ်ရာရရှိမှုတွေရှိခဲ့တယ်လို့လည်း နိုင်ငံရေးအကျဥ်းသားဟောင်း ဦးထွန်းကြည်က ပြောပါတယ်။
လက်ရှိAAPPရဲ့ စာရင်းတွေအရ သေဒဏ်ချမှတ်ခံထားရသူဦးရေဟာ ၇၂ဦးရှိပြီး မျက်ကွယ်သေဒဏ်ချမှတ်ခံထားရသူ ၄၁ဦး၊စုစုပေါင်းသေဒဏ်၁၁၃ဦးချမှတ်ခံထားရတယ်လို့ သိရပါတယ်။
