![](https://deltanewsagency.com/wp-content/uploads/2022/07/293107598_583542073279817_1150380844249092510_n.jpg)
ကိုလံဘီယာနိုင်ငံ အနောက်မြောက်ပိုင်းမှာ ဇူလိုင်လ ၁၄ ရက်နေ့က မြေပြိုမှုဖြစ်ပွားခဲ့တာကြောင့် စာသင်သင်ကျောင်းတစ်ကျောင်း ပြိုကျခဲ့ပြီး အနည်းဆုံး ကလေး ၈ ဦး ပိတ်မိနေတယ်လို့ ဒေသအာဏာပိုင်တွေက ပြောကြားလိုက်ပါတယ်။
မြေပြိုမှုဟာ Antioquia ဌာနရဲ့ မြို့တော် Medellin မှာ ဖြစ်ပွားခဲ့တာဖြစ်ပြီး El Porvenir လို့အမည်ရတဲ့ ကျောင်းတစ်ကျောင်းဟာ မြေကြီးအောက်မှာ နစ်မြှုပ်နေတယ်လို့ မြို့တော်ဝန် Daniel Quintero က ပြောပါတယ်။
ကနဦးရရှိတဲ့အချက်အလက်အရ ပိတ်မိနေတဲ့ ကလေး ၈ ဦးကို ဖော်ပြထားပြီး ဂေါ်ပြားတွေ ကိုင်ဆောင်ထားတဲ့ ရွာသားတွေက ပြိုကျနေတဲ့ သစ်ပင်တွေနဲ့ အပျက်အစီးတွေကို ဖယ်ရှားဖို့ ကြိုးစားနေတယ်လို့ သိရပါတယ်။
“ရုတ်တရက် အသံအကျယ်ကီု’ ကြားလိုက်ရတယ်၊ အဲဒီအချိန်မှာ ကျွန်မတို့အားလုံး လှည့်ကြည့်ပြီး စက္ကန့်ပိုင်းအတွင်းမှာပဲ ထွက်ပြေးခဲ့ရတယ်၊ မြေပြိုမှုဖြစ်ပွားတဲ့အချိန်မှာ ကလေးငယ် ၂၂ ဦးရှိတယ်” လို့ ကျောင်းမှာတာဝန်ကျတဲ့ ဆရာဖြစ်သူ Eliana Rincones က သတင်းထောက်တွေကို ပြောပါတယ်။
လာနီည, ရာသီဥတုဖြစ်စဉ်ကြောင့် ကိုလံဘီယာနိုင်ငံရှိ နေရာအတော်များများမှာ မိုးသည်းထန်စွာ ရွာသွန်းပြီး ရေလွှမ်းမိုးမှုတွေ ဖြစ်ပေါ်လာတာ ဖြစ်ပါတယ်။ စက်တင်ဘာလအထိ မိုးဆက်လက်ရွာနိုင်တယ်လို့ မိုးလေဝသဌာနက ကြေငြာထားတယ်လို့လည်း သိရပါတယ်။