စစ်ကိုင်းတိုင်း၊ ရွှေဘိုမြို့နယ်ထဲက ရွှေဘို-နောင်ကြီးအိုင်လမ်းကို ဒီနေ့ကစပြီး ညဘက် ဖြတ်သန်းသွားလာခြင်းမပြုကြဖို့ ဒေသတွင်း တော်လှန်ရေးအဖွဲ့တစ်ဖွဲ့ဖြစ်တဲ့ SNAKE EYES PDF က ထုတ်ပြန်ပါတယ်။
ဇွန်လ ၂၆ ရက်နေ့ကနေ ဇူလိုင် ၃၁ ရက်နေ့အထိ ရွှေဘို – ဆိပ်ခွန် – မူးကမ်းကြီး – နောင်ကြီးအိုင်လမ်းတစ်လျှောက် ည၇နာရီကနေ မနက် ၅ နာရီအတွင်းပြည်သူတွေ ဖြတ်သန်းသွားလာခြင်းမပြုကြဖို့ SNAKE EYES PDF က ဒီကနေ့ထုတ်ပြန်လိုက်တာပါ။
တကယ်လို့ ကန့်သတ်အချိန်အတွင်း မဖြစ်မနေ ဖြစ်သန်းသွားလာရမယ်ဆိုပါက သက်ဆိုင်ရာတော်လှန်ရေးအဖွဲ့အစည်းတွေကို သတင်းပို့၊ချိတ်ဆက်ပြီးမှသာ သွားလာကြဖို့ ထုတ်ပြန်ထားပါတယ်။
သတိပေးထုတ်ပြန်ချက်ကို မလိုက်နာဘဲ မောင်းနှင်လာတဲ့ယာဉ်နဲ့ယာဉ်မောင်းတွေရဲ့ အသက်အိုးအိမ်ကို အာမမခံဘူးလို့လည်း ဆိုပါတယ်။
