အိန္ဒိယရောက် မြန်မာစစ်ဘေးဒုက္ခသည်အားလုံးနီးပါးကို မီဇိုရမ်ပြည်နယ်က ဒုက္ခသည်အသိအမှတ်ပြု ကတ် (ID) ထုတ်ပေးခဲ့ပြီးဖြစ်ကြောင်းသိရပါတယ်။
အာဏာသိမ်းပြီးနောက်ပိုင်း စစ်တပ်က အကြမ်းဖက်ဖြိုခွင်းခဲ့တဲ့အတွက် ချင်းပြည်နယ်နဲ့ စစ်ကိုင်းတိုင်းက ဒေသခံတွေဟာ ဘေးလွတ်ရာဒေသနဲ့ မီဇိုရမ်ပြည်နယ်ဘက် ထွက်ပြေးတိမ်းရှောင်ခဲ့ကြရာ စစ်ဘေးရှောင်အား လုံးရဲ့ ၉၉ရာခိုင်နှုန်းကျော်ကို ID ကတ်ထုတ်ပေးပြီးဖြစ်တယ်လို့ VOA ကဖော်ပြပါတယ်။
မီဇိုရမ်ပြည်ထဲရေးဝန်ကြီး ဦးဆောင်မှုနဲ့ဖွဲ့စည်းထားတဲ့ High-Level Committee on Myanmar refugees အဖွဲ့ ရဲ့ ဇွန်လ စာရင်းအရ မီဇိုရမ်ပြည်နယ်မှာ မြန်မာဒုက္ခသည် ၂၉,၉၀၀ကျော်ရှိပြီး ၂၉,၇၀၀ကျော်ကို ID ကတ်ပြား ထုတ်ပေးပြီးဖြစ်လို့ ဒေသထုတ် The Aizawl Post သတင်းစာကနေ ဖော်ပြခဲ့ပါတယ်။
High-Level Committee on Myanmar refugee အဖွဲ့က လက်ရှိ မီဇိုရမ်ပြည်နယ် ခရိုင် ၆ ခုမှာ စစ်ဘေးရှောင်စခန်း(၁၄၉) ခုရှိ ပြီး စခန်းနေစစ်ဘေးရှောင် ၁၁၈၀၀ ကျော်ရှိကာ စခန်းပြင်ပနေ ၁၈၁၀၀ ကျော်ရှိတယ်လို့ ထုတ်ပြန်ထားပါတယ်။
ချင်းလူ့အခွင့်အဖဖွဲ့ရဲ့မှတ်တမ်းအရ ဒီထက်ပိုများတယ်လို့ ချင်းလူ့အခွင့်အရေးအဖွဲ့ ဒုတိယအမှုဆောင်ဒါရိုက်တာ Za Uk ling ကပြောကြောင်း VOA ကဖော်ပြပါတယ်။
လက်ရှိမီဇိုရမ်ပြည်နယ်ရောက်စစ်ရှောင်တွေကို ပြည်နယ်အစိုးရကနေ ကူညီစောင့်ရှောက်ပေးနေတယ်လို့လည်းသိရပါတယ်။
