NUGပညာရေးဝန်ကြီးဌာန လက်အောက်ခံ Kaung For You ကျောင်းမှာ တစ်နာရီအတွင်း ကျောင်းသားတစ်သိန်း ကျောင်းအပ်နှံခဲ့ကြောင်း သိရပါတယ်။
NUG ပညာရေးစနစ်အတိုင်း KG တန်းကနေ Grade11 အထိ အခုပညာသင်နှစ်မှာ ကျောင်းသားတစ်သောင်းကို အွန်လိုင်းကနေ သင်ကြားပေးမယ့် Kaung For You ကျောင်းမှာ ဇွန် ၁ ရက်နေ့နဲ့ ၂ ရက်နေ့ မနက် ၈ နာရီကနေ ည ၇ နာရီအထိ ကျောင်းအပ်လက်ခံမယ်လို့ ကြေညာထားတာပါ။
‘ကျောင်းသား တစ်သိန်း ကျော်သွားပါပြီ။ကျောင်းသားတစ်သောင်းကို အတော်စစ်ထုတ်ရမှာပါ။ ကျွန်တော် ရင်မောနေရပါတယ် မိဘတို့ရယ်’ လို့ Kaung For You ကျောင်းရဲ့ ဆရာကောင်းက ပြောပါတယ်။
Kaung For You ကျောင်းမှာ ဆရာ၊ ဆရာမအင်အား တစ်ထောင်နီးပါးသာရှိတဲ့အတွက် ကျောင်းသားတစ်သောင်းသာလက်ခံသင်ကြားပေးနိုင်ခြင်းဖြစ်ကြောင်း သိရပါတယ်။
Kaung For You ကျောင်းမှာ ၂၀၂၀ ခုနစ် မြန်မာနိင်ငံသင်ရိုးကို ကျောရိုးပြုသင်ကြားမှာဖြစ်ပြီး စင်ကာပူနိုင်ငံဒေသသင်ရိုး၊ သင်္ချာဘာသာကို ဂျပန်နိုင်ငံ အခြေခံပညာမူလတန်း၊အ လယ်တန်းနဲ့ အထက်တန်းသင်ခန်းစာတွေနဲ့ တွဲဖက် သင်မှာဖြစ်ပြီး Cambridge English ကို မူလတန်း၊အလယ်တန်းနဲ့ အထက်တန်းမှာ တစ်ဘာသာ သီးသန့်ထည့်သင်ပေးမယ်လို့ ထုတ်ပြန်ထားပါတယ်။
