အလင်းဝင်လာတဲ့ စစ်သားမှာ လက်နက်ကြီးတစ်လက် ပါလာရင် ကျပ်သိန်း ၅၀ ချီးမြှင့်မယ်လို့ ကျိုက်ထို တော်လှန်ရေးအင်အားစု (KRF) က ထုတ်ပြန်ပါတယ်။
ပြည်သူ့ရင်ခွင် ခိုလှုံအလင်းဝင်လိုတဲ့ စစ်သားတွေအနေနဲ့ KRF ထံ ဆက်သွယ်အလင်းဝင်နိုင်ပြီး အလင်းဝင် စစ်သားနဲ့အတူ လက်နက်ကြီး ( RPG, 40 mm, 60 mm) တစ်လက် ပါလာရင် ကျပ်သိန်း (၅၀) ၊လက်နက်ငယ်တစ်လက် သိန်း (၃၀)၊ ကျည်ဘောက် (Magazine) တစ်ခု ငါးသောင်း၊
လက်နက်ငယ် ကျည်ဆန်တစ်တောင့် ၅၀၀၊ လက်နက်ကြီး ကျည်ဆန် ( RPG, 40 mm, 60 mm) တစ်ထောင့် ငါး သောင်းနဲ့ လက်ပစ်ဗုံးသီး တစ်လုံး တစ်သောင်း အသီးသီး ပေးအပ်ချီးမြှင့်သွားမယ်လို့ သိရပါတယ်။
KRF အနေနဲ့ အလင်းဝင်လာတဲ့ စစ်သားတွေကို လုံခြုံစိတ်ချရတဲ့ လွတ်မြောက်နယ်မြေ (သို့မဟုတ်) သွားလိုရာ အရပ်ဒေသဆီ ဘေးအန္တရာယ်ကင်းစွာ ရောက်ရှိအောင် ချိတ်ဆက်ပို့ဆောင်ပေးမယ်လို့လည်း ထုတ်ပြန်ထားပါတယ်။
အလင်းဝင်လိုတဲ့ စစ်သားတွေအနေဖြင့် KRF ဖေစ့်ဘွတ်ခ်ရဲ့ မက်ဆင်ဂျာမှာ လာရောက်စာရင်းပေးနိုင်ကြောင်းလည်း ဖိတ်ခေါ်ထားပါတယ်။
