ဒီပဲယင်းမြို့ဒေသခံတဦး စစ်ကောင်စီဖမ်းဆီးပြီး တရက်အကြာသေဆုံး
မတ် ၊ ၁၂ စစ်ကိုင်းတိုင်း၊ဒီပဲယင်းမြို့ပေါ်၊မြို့မရပ်ကွက်၊မြန်မာ့စီးပွားရေးဘဏ်နဲ့မြို့မရဲစခန်းအနီးနေထိုင်တဲ့အသက် ၃၅ နှစ်အရွယ် ဦးဝင်းဆွေဆိုသူအမျိုးသားတဦးကိုစစ်ကောင်စီတပ်တွေက မတ်လ ၁၁ ရက်ညပိုင်းကဖမ်းဆီးခေါ်ဆောင်သွားပြီးတရက်မပြည့်မီသေဆုံးခဲ့တယ်လို့ဒေသခံတွေရဲ့အတည်ပြုချက်အရသိရပါတယ်။ စစ်ကောင်စီမနေ့ညက ဖမ်းဆီးသွားတဲ့သေဆုံးသူရဲ့ရုပ်အလောင်းကိုဒီကနေ့မှာ ဒီပဲယင်းမြို့အတွင်း တင်းတိမ်ရံလမ်းခွဲမှာရှိတဲ့စစ်ကောင်စီဂိတ်အနီးမှာပဲလည်ပင်းကိုလှီးဖြတ်ထားတဲ့ဒဏါရာတွေအပါအဝင်လက်ပြန်ကြိုးတုပ်ရက်တွေ့ရှိခဲ့တာလို့သိရပါတယ်။ “သူကတောင်သူပါ။ရိုးရိုးသားသားနဲ့တအားအေးတဲ့သူ။အဲ့ဒါကိုမနေ့ကညကြီးနက်မှဝင်ဖမ်းသွားတာ။အိမ်မှာကလဲမိသားစုနည်းတယ်။နောက်နေ့မနက်ကျတော့တင်းတိမ်ရံဖက်သွားတဲ့သူတွေတွေ့တာ အလောင်းကတော့ပြန်ရပြီးအားချင်းသဂြိုလ်ရတယ် ။သူတို့ဂိတ်နဲ့နီးတယ်ဆိုပေမယ့်ပြန်သယ်လာလို့ရလိုက်တယ်”လို့ ဒေသခံတဦးကDNA ကိုပြောပါတယ်။ ဒီပဲယင်းမြို့ပေါ်မှာစစ်ကောင်စီတပ်တွေနဲ့ရဲတွေအထိုင်ချထားပြီးပြည်သူတွေကိုမထင်ရင်မထင်သလိုဖမ်းဆီးတာတွေပစ်ခတ်တာတွေပြုလုပ်လျက်ရှိနေပြီးတော့တချို့သတ်ဖြတ်မှုတွေကိုဒေသကာကွယ်ရေးတပ်တွေလုပ်တယ်ဆိုပြီးသတင်းလွှင့်တာမျိုးတွေရှိနေတယ်လို့ဆိုပါတယ်။ [ဆက်လက်ဖတ်ရှုရန်]
