ဆယ်စုနှစ်များစွာအတွင်း ဟောင်ကောင်မှာ အသေအပျောက်အများဆုံး မီးလောင်မှု ဖြစ်ပါတယ်။
၂၇၊ နိုဝင်ဘာ။
နိုဝင်ဘာ ၂၆ရက်နေ့က ဖြစ်ပွါးခဲ့တဲ့ ဟောင်ကောင် အထပ်မြင့် တိုက်ခန်းတွေ မီးလောင်မှုကြောင့် သေဆုံးသူ ၄၄ဦး ရှိလာပါပြီ။ နောက်ထပ် ၃၀၀ နီးပါး ပျောက်ဆုံးနေဆဲလို့ သိရပါတယ်။
ဆယ်စုနှစ်များစွာအတွင်း ဟောင်ကောင်မှာ အသေအပျောက်အများဆုံး မီးလောင်မှု ဖြစ်ပါတယ်။
လက်ရှိမှာတော့ မီးသတ်တပ်ဖွဲ့ဝင်အင်အား ၈၀၀ ကျော်ဟာ မီးငြှိမ်းသတ်နိုင်ဖို့ ကြိုးပမ်းနေကြပါတယ်။
ဒါ့အပြင် သူတို့ဟာ တစ်ညလုံး မနားမနေ ကြိုးပမ်းခဲ့ကြပေမဲ့ Wang Fuk Court အိမ်ရာဝင်း အဆောက်အအုံရဲ့ အပေါ်ထပ်တွေဆီ ရောက်ရှိနိုင်ဖို့ အခက်အခဲတွေ့နေဆဲပါ။
မီးဘေးသင့် ဒေသခံတချို့ကတော့ Wang Fuk Court အိမ်ရာဝင်းအနီးမှာရှိတဲ့ ယာယီကယ်ဆယ်ရေးစခန်းတစ်ခုမှာ ခိုလှုံနေကြပါတယ်။
အာဏာပိုင်တွေဟာ အဆောက်အအုံမှာ နေထိုင်သူတွေရဲ့ ဘေးကင်းလုံခြုံမှုကို အာမခံချက်ပေးနိုင်ဖို့ စုံစမ်းစစ်ဆေးမှုတွေကို ပြုလုပ်နေပါတယ်။
နေထိုင်သူအများစုက သက်ကြီးရွယ်အိုတွေဖြစ်ပြီး ငွေကြေးအခက်အခဲတွေနဲ့ ရင်ဆိုင်နေရသူတွေဖြစ်တယ်လို့ သိရပါတယ်။
ရဲတပ်ဖွဲ့ဝင်တွေရဲ့ ပြောကြားချက်အရ မီးပေါ့ဆမှုနဲ့ ပတ်သက်လို့ အမျိုးသားသုံးဦးကို ဆောက်လုပ်ရေးကုမ္ပဏီက ဖမ်းဆီးထားတယ်လို့ ဆိုပါတယ်။
ပြုပြင်ထိန်းသိမ်းရေးလုပ်ငန်းတွေမှာ အသုံးပြုတဲ့ ငြမ်းတွေနဲ့ ဖော့ပစ္စည်းတွေကြောင့် အခုလို အကြီးစား မီးလောင်မှု ဖြစ်တာ ဖြစ်နိုင်ကြောင်း ရဲတပ်ဖွဲ့က ယူဆထားပါတယ်။
အဆောက်အအုံတွေကို မီးဘေးအန္တရာယ် ကာကွယ်ရေးစံနှုန်းတွေနဲ့ မကိုက်ညီတဲ့ အကာအကွယ်ပိုက်ကွန်တွေနဲ့ ပလတ်စတစ်စတွေ ဖုံးအုပ်ထားတယ်လို့ ရဲတပ်ဖွဲ့က ဆိုပါတယ်။
Ref – Reuters/ BBC