ကရင်ပြည်နယ် မြဝတီမြိုနယ် လေးကေ့ကော်ဒေသ ဖလူးကျေးရွာအနီးမှာ အကြမ်းဖက်စစ်အုပ်စုနဲ့ Cobra Columnတို့ ထိတွေ့ တိုက်ပွဲဖြစ်ပွားခဲ့ပြီး စစ်အုပ်စုက ၁ဦးသေဆုံးသွားခဲ့တယ်လို့ Cobra Columnက ဒီကနေ့ မနက်ပိုင်းမှာ သတင်းထုတ်ပြန်လာခဲ့ပါတယ်။
မနေ့က ဧပြီလ ၂၁ရက်နေ့ ညနေ ၆နာရီခွဲလောက်က အကြမ်းဖက်စစ်အုပ်စုရဲ့ တပ်မ ၄၄လက်အောက်ခံ ခမရ(၁) စစ်ကြောင်း(၁)နဲ့ Cobra Column တို့ ဖူလူးကျေးရွာအနီးမှာ ထိတွေ့ တိုက်ပွဲဖြစ်ပွားခဲ့တာပါ။
တိုက်ပွဲဖြစ်ပွားချိန် ၄နာရီကျော်အထိ ကြာမြင့်ခဲ့ပြီး စစ်အုပ်စုဟာ စွယ်တော်ကုန်း (အမြှောက်ကုန်း)ကနေ လက်နက်ကြီးတွေနဲ့ ရမ်းသမ်းပစ်ခတ်မှုတွေ လုပ်ဆောင်ခဲ့တယ်လို့ သိရပါတယ်။
တိုက်ပွဲအတွင်းမှာ စစ်အုပ်စုက ၁ဦးသေဆုံးပြီး ၃ဦးဒဏ်ရာရရှိကာ Cobra Columnတပ်ဖွဲ့က တပ်ဖွဲ့ဝင်ဦး လက်နက်ကြီးကျည်စထိမှန်ပြီး မစိုးရိမ်ရ ဒဏ်ရာတွေ ရရှိခဲ့တယ်လို့ သိရပါတယ်။
ဓာတ်ပုံ- Cobra Column (ပုံဟောင်း)
