၂၊ စက်တင်ဘာလ၊ ၂၀၂၁။
ပျဉ်းမနားမြို့နယ် ပြည်ထောင်ကိုးအုပ်စု ဆိပ်ဖူးတောင်နဲ့ လက်ဘက်တောင်ကျေးရွာအကြား လွန်းထိုးကြီး၊လွန်းထိုးလေးအတက်မှာ ဩဂုတ်လ ၃၀ရက်နေ့ ညနေ ၄နာရီခန့်က အကြမ်းဖက်စစ်အုပ်စုနဲ့ နေပြည်တော် PDFတို့ တိုက်ပွဲဖြစ်ပွါးခဲ့ပြီး စစ်အုပ်စုဝင် ၁၁ဦးခန့် ကျဆုံးခဲ့တယ်လို့ နေပြည်တော် PDFက စက်တင်ဘာလ ၂ရက်နေ့မှာ သတင်းထုတ်ပြန်ခဲ့ပါတယ်။
ပြည်သူ့ကာကွယ်ရေးတပ်မတော် (နေပြည်တော်) တပ်ရင်း ၈၀၁ တပ်ခွဲ ၄နဲ့ အထူးဒေသလက်နက်ကိုင်တပ်ဖွဲ့တို့ ပူးပေါင်းပြီး စစ်ရေးလှုပ်ရှားမှုဆောင်ရွက်နေစဉ်မှ
ာ အကြမ်းဖက်စစ်အုပ်စုယာဉ်တစ်စင်းနဲ့ ထိတွေ့မှုဖြစ်ပွါးခဲ့ပြီးနောက် စစ်အုပ်စုက အင်အားအလုံးအရင်းနဲ့ စစ်ကြောင်းထပ်ထိုးလာခဲ့တာကြောင့် တိုက်ပွဲဖြစ်ပွါးခဲ့တာလို့ ထုတ်ပြန်ချက်မှာ ပါဝင်ပါတယ်။
နေပြည်တော် PDFအနေနဲ့ ကျဆုံးသူမရှိခဲ့ဘဲ အောင်မြင်စွာ ဆုတ်ခွာနိုင်ခဲ့ပြီး လုံခြုံရေးဆိုင်ရာတွေကို စီမံခန့်ခွဲနေရတာကြောင့် ယခုမှ သတင်းထုတ်ပြန်ရတာဖြစ်တယ်လို့ နေပြည်တော် PDF ကပြောပါတယ်။
