၂၁ ၊ ဇွန်လ ၊ ၂၀၂၁ ။
မွေးနေ့ဆုတောင်းပေးကြတဲ့ ပြည်သူတွေ အားလုံးကို ကျေးဇူးတင်တယ်လို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီနေ့ ဇွန်လ ၂၁ရက်ပြုလုပ်တဲ့ ရုံးချိန်းမှာ သတင်းစကားပါးလိုက်တာပါ။
ဇွန်လ ၁၉ရက်နေ့က ကျရောက်ခဲ့တဲ့ ဒေါ်အောင်ဆန်းစုကြည်ရဲ့ ၇၆နှစ်မြောက်မွေးနေ့မှာ တစ်နိုင်ငံလုံးကပြည်သူတွေက ပန်းသပိတ်ဆင်နွဲပြီး သူအမြန်ဆုံးပြန်လွတ်မြောက်ဖို့ ဆုတောင်းပေးခဲ့ကြပါတယ်။
ဒါ့အပြင် ပြည်သူတွေ ကျန်းမာချမ်းသာပါစေလို့လည်း ဒေါ်အောင်ဆန်းစုကြည်က သူ့ရဲ့ ရှေ့နေကနေတဆင့် ပြောခဲ့ပါတယ်။
ဒီနေ့ရုံးချိန်းကို နေပြည်တော် ကောင်စီဝင်းအတွင်း သီးသန့်တရားရုံးမှာ ပြုလုပ်ခဲ့တာ ဖြစ်ပါတယ်။