ရေကြည်မြို့ အနီးက ကျေးရွာတွေကို စစ်တပ်က စက်တပ်လေထီးနဲ့ ဗုံးကြဲ

 

မတ်လ ၃၁

မတ်လ ၃၁ ဒီနေ့ညနေ ၆ နာရီဝန်းကျင်မှာ ဧရာဝတီ တိုင်း ၊ ပုသိမ်ခရိုင် ၊ ရေကြည်မြို့နယ်ထဲက ကညင် ကိုင်း နဲ့ လဲခုံလေးရွာတွေ အနီးကို စစ်တပ်က စက် တပ်လေထီးနဲ့ ဗုံးကြဲခဲ့တယ်လို့ ပြည်သူ့လွတ် မြောက်ရေးတပ်(PLF)က ရဲဘော်တဦးက DNA ကို အတည်ပြုပေးပါတယ်။

“ အဲဒီရွာတွေ အောက်ဖက်ကိုကျတယ် အဲ့အနားမှာ ကြဲသွားတာ။မနက်က တကြိမ် ၊ ညနေ တကြိမ်ထပ်ကျဲတယ် ၊ တကြိမ်ကို ၆ လုံးလောက် ရှိတယ်”လို့ ပြောပါတယ်။

ရေကြည်မြို့နယ် ဒေသတွင်း လူမှုကွန်ရက် စာမျက် နှာမှာတော့ “ပါရာမိုတာ ၂ စီး ကျုံပျော်ကမှထွက်ခွာ လာပြီး ညနေ ၆ နာရီ၄၅ မိနစ်အချိန်ခန့်တွင် ကညင် တိုင်း၊လဲခုံလေးရွာနှင့် အနီးတဝိုက်ဒေသများတွင် ဗုံး ၃ လုံးအထက်ကြဲလို့ ရေးသားထားပါတယ်။

အာရက္ခတပ်တော်ဦးဆောင်တဲ့ တော်လှန်ရေးအင် အားစုတွေနဲ့ စစ်ကောင်စီဟာ မတ်လ နောက်ဆုံးပတ်အတွင်း ပုသိမ်ခရိုင် အတွင်းက ရေကြည်မြို့နယ်နဲ့ ကပ်လျှက် ဟင်္သာတခရိုင်ထဲက လေး မျက်နှာမြို့နယ် ၊ အင်္ဂပူမြို့နယ်တွေမှာ ထိတွေ့တိုက်ပွဲတွေ ပြင်းထန်ခဲ့ပြီး စစ်တပ်ဘက် လေယာဉ် နဲ့လာဗုံးကျဲတာ ၊ စက်တပ်လေထီးနဲ့ ဗုံးကြဲတာတွေ လုပ်ဆောင်နေတာ ဖြစ်ပါတယ်။

လက်တလော မတ်လ ၂၈ ရက်နေ့က စစ်ကိုင်းမြို့ အနီးတဝိုက်မှာ အင်အားပြင်း ငလျင်ကြီး လှုပ်ခတ်ခဲ့ပြီး မန္တလေး ၊စစ်ကိုင်း အပါအဝင် မြို့ကြီး တော်တော်များများမှာ ပျက်စီးဆုံးရှုံးမှု ကြီးမားခဲ့တဲ့အတွက် ကူညီကယ်ဆယ်ရေးတွေ အရေးတကြီး လုပ်ဆောင်နေရချိန် ဖြစ်ပါတယ်။

“အခုလိုအချိန်မှာ လေယာဉ်နဲ့ဗုံးကြဲတာက စစ်အုပ်စုရဲ့ ယုတ်မာမှုနဲ့ အာဏာလောဘကြောင့် ဆိုတာထက် သူတို့ရဲ့ရပ်တည်ရေးအတွက်အရေးကြီးတဲ့အခြေနေ ရောက်နေပြီဆိုတာ ပိုသိသာပါတယ်”လို့ PLF ရဲဘော်က မှတ်ချက်ပြုပါတယ်။

အင်အားပြင်းထန်တဲ့ စစ်ကိုင်းငလျင်ကြောင့် နိုင်ငံမှာ ပျက်စီးဆုံးရှုံးမှု ကြီးမားခဲ့လို့ မတ်လ ၃၁ ရက် နေ့ကနေ စပြီး ဧပြီလ ၆ ရက်နေ့အထိ ဝမ်းနည်းခြင်းအထိမ်းအမှတ်နေ့အဖြစ် သတ်မှတ်ပြီး နိုင်ငံ တော်အလံကို တိုင်တဝက်လွှင်ထူမယ်လို့ ကြေညာခဲ့ပြီး စစ်ကောင်စီဟာ ရှမ်းမြောက် ၊ ဧရာဝတီ ၊ အညာ စတဲ့ဒေသတွေမှာ လေယဉ်၊စက်တပ်လေထီး စတာတွေ အသုံးပြုပြီး ဗုံးကြဲတိုက်ခိုက်နေတာ ဖြစ်ပါတယ်။

#ရေကြည် #စက်တပ်လေထီး #ဗုံးကြဲ #DeltaNewsAgency