တပ်ပိုင်မြေထဲ ကျုးကျော်သူတွေကို တပ်ကဖယ်ရှားဖို့ပြင်

၁ ၊ ဒီဇင်ဘာ ၊ ၂၀၁၈ ။

ဧရာဝတီတိုင်းဒေသကြီး ၊ အင်္ဂပူမြို့နယ်ထဲက ခုံကြီးကျေးရွာအုပ်စုအတွင်း တပ်မတော် တိုင်းဗဟို ၅ တပ်ပိုင်မြေထဲကို ကျူးကျော်တယ်ဆိုပြီး ဖယ်ရှားပေးဖို့ တပ်ဖက်ကနေ ဖိအားပေးတာ ၊ နေထိုင်သူတွေစာရင်းလာကောက်ယူတာတွေ လုပ်ဆောင်နေ တာဖြစ်ပါတယ် ။
ဘက်ရဲ-ကွင်းကောက်ကားလမ်းနဘေး အနောက်ရိုးမတောင်ကြောပေါ်မှာ စိုက်ပျိုးရေးလုပ်မယ်ဆိုပြီး တပ်မတော်က ဧက ၁၅၀၀ ကျော်ကို ၁၉၉၂ ခုနှစ်လောက်ကတည်းက သိမ်းယူထားခဲ့တာပါ ။ဒါပေမယ့် စီမံကိန်း အကောင်အထည်ဖေါ်မှု မရှိခဲ့ဘဲ အချိန်တွေကြာတဲ့အချိန်မှာ ဒေသတွင်း ရေကြည်ရာမြက်နုရာ အလုပ်ရှာဖွေသူတွေက ကျောက်ထုတ်လုပ်ကွက်တွေအနီး အခြေချနေထိုင်ကြရင်း ထွန်းဧရာကျေးရွာ ဖြစ်လာတာပါ။