စစ်ကိုင်းတိုင်း၊အင်းတော်မြို့နယ်မှာ စစ်ကောင်စီတပ်ရဲ့ လက်နက်ကြီး ပစ်ခတ်မှုကြောင့် ၇၈နှစ်အရွယ် အဖွားအိုတစ်ဦးအပါအဝင် ပြည်သူ၄ဦး ထိခိုက်ခဲ့ရတယ်လို့သိရပါတယ်။
အင်းတော်မြို့နယ်မှာဒီကနေ့ မနက်ပိုင်း၁၁နာရီအချိန့်ခန့်က မြို့တောင်ဘက် ရိက္ခာကုန်းတပ်ရှိ စစ်ကောင်စီအဖွဲ့များမှ လက်နက်ကြီးနဲ့ကျော်ရွာ ၊မိုယူရွာတွေကိုပစ်ခတ်ခဲ့တဲ့အတွက်အခုလိုထိခိုက်ဒါဏ်ရာရခဲ့တာလို့ဆိုပါတယ်။
“မိုယူရွာကအမကတော့အတော်စိုးရိမ်နေရတယ်။ဆေးရုံကိုပို့ထားတယ်။သူတို့ကတင့်ကားလက်နက်ကြီးစမ်းပစ်တာလို့ပြောတယ်။အဲ့ရွာတွေကမြို့နဲ့နီးတယ် တပ်ရင်းနာမည်တော့မသိရဘူးဗျ ။သက်သက်ကြီးပစ်တာတိုက်ပွဲဖြစ်တာလဲမရှိဘူးအဲ့ရွာတွေမှာက”လို့အင်းတော်ဒေသခံတဦးက DNA ကိုပြောပါတယ်။
လက်ရှိမှာတော့ထိခိုက်ဒါဏ်ရာရသူတွေထဲက ဒါဏ်ရာပြင်းထန်သူတွေကို အင်းတော်မြို့မ ဆေးရုံသို့ပို့ဆောင်ထားပြီး ဆေးကုသမှုပေးလျက်ရှိတယ်လို့သိရပါတယ်။
အဲ့ဒီ့ စစ်ကောင်စီတပ်ရင်း လက်နက်ကြီးနဲ့ ရမ်းတမ်းပစ်ခတ်မှုကြောင့် ကျော်ရွာမှ အသက် ၇၈အဖွားအို၁ဦး ၊အသက်၂၄နှစ်အရွယ်နဲ့၃၀အရွယ် အမျိုးသား၂ဥဦးနဲ့မိုးယူရွာမမှ အသက်၄၀အရွယ် အမျိုးသမီး၁ဦးတို့ ခြေတောက်၊ကျော၊ခေါင်းနှင့် လည်ပင်းတို့ ထိခိုက်ခဲ့ပြီး မိုးယူရွာမ နေအိမ်၁ လုံးနဲ့ကျော်ရွာမှ နေအိမ်၃လုံးလည်း ထိခိုက်ပျက်စီးဆုံးရှုံးခဲ့တယ်လို့သိရပါတယ်။
Photo – CJ
