မြောက်ဒဂုံမှာ မီးလောင်မှုဖြစ်ပြီး တအိမ်တည်းနေသူ လေးဦးသေဆုံး

ရန်ကုန်မြို့၊ ဒဂုံမြို့သစ်မြောက်ပိုင်း (၃၃) ရပ် ကွက်၊ စိန်ပန်းမြိုင် (၁)လမ်းက နေအိမ် တလုံးမှာ ဒီကနေ့ ဇန်နဝါရီ (၂၅)ရက် မနက် ၂နာရီကျော်က မီးလောင်မှုဖြစ်ရာက တအိမ်တည်းနေသူ လေးဦး သေဆုံးသွားတယ်လို့သိရပါတယ်။

“ကျွန်တော်တို့ကို အကြောင်းကြားတာက မနက် သုံးနာရီလောက်မှ၊ ကျွန်တော်တို့ရောက်တော့ မိ သားစုလိုက်Dead body ကို တံခါးဖျက်ဝင်ပြီး ယူရတယ်၊သူတို့လည်းတံခါးဖွင့်မရလို့ပိတ်မိပြီးဆုံးသွားတဲ့သဘောရှိတယ်”ဇဗ္ဗူဒီပါလူမှုကူညီ ရေးအသင်း တာဝန်ရှိသူတဦးက DNA ကိုပြော ပါတယ်။

မီးလောင်မှုကြောင့်သေဆုံးသွားတဲ့ရုပ်အလောင်းတွေကိုတော့မြောက်ဥက္ကလာ မေဓာဝီဆေးရုံ အ အေးခန်းကို ပို့ဆောင်ကူညီပေးခဲ့တယ်လို့ သူက ပြောပါတယ်။

မီးလောင်မှုအတွင်းသေဆုံးသူတွေဟာအမျိုးသားတဦးနဲ့အမျိုးသမီးတဦးဖြစ်ပြီး ဝါယာရှော့ကြောင့် မီးလောင်မှုဖြစ်တယ်လို့သိထားကြောင်း မြောက် ဒဂုံမှာနေထိုင်သူတဦးကပြောပါတယ်။

“မီးကမနက်နှစ်နာရီလူတွေအိပ်မောကျနေချိန်မှာလောင်တာဆိုတော့မီးလောင်တာကိုမသိလိုက်ကြတာ “ လို့သူကပြောပါတယ်။
အဲ့ဒီမီးလောင်မှုကို Level 1အဆင့်သတ်မှတ်ငြှိမ်းသတ်ခဲ့ပြီး နာရီဝက်ဝန်းကျင်ကြာ ငြှိမ်း သတ် ခဲ့ရတယ်လို့မြန်မာနိုင်ငံမီးသတ်တပ်ဖွဲ့ကလည်း ထုတ်ပြန်ထားပါတယ်။