ဂန့်ဂေါမြို့ ကန်ရွာကနေ မြို့ပေါ်ကို ပြန်ထွက်ခွာလာတဲ့စစ်ကောင်စီစစ်ကြောင်းကို ဒေသကာကွယ်ရေးတပ်တွေကကြားဖြတ်တိုက်ခိုက်ရာမှာ ဆယ်ဦးထက်မနည်း သေဆုံးခဲ့တယ်လို့ ဂန့်ဂေါခရိုင်အမှတ် (၁) တပ်ရင်းပြန်ကြားရေးတာဝန်ခံ ကိုစတီဗင်က DNA ကိုပြောပါတယ်။
“ကျွန်တော်တို့ဘက်ကအရင်စောင့်ကြိုပြီးလက်ဦးမှုယူနိုင်ခဲ့ပါတယ်၊အလောင်းမရတော့အတိအကျမသိနိုင်ပေမယ့် စစ်ွေးဆယ်ဦးအထက်မှာရှိနိုင်ပါတယ်” လို့ သူကပြောပါတယ်။
စစ်ကောင်စီစစ်ကြောင်းဟာ ဂန့်ဂေါမြို့ကနေ ကန်ရွာကို သွားချိန်မှာလည်း ကြားဖြတ်တိုက်ခိုက်ခံခဲ့ရသလို ကန်ရွာကပြန်လာချိန် ဒီကနေ့ မနက်ပိုင်း
က ရိုးမတောင်ကြောပေါ်မှာ ထပ်ပြီး တိုက်ခိုက်ခံရတာဖြစ်တယ်လို့သိရပါတယ်။
စစ်ကောင်စီတပ်မ(၅၅)က တပ်ဖွဲ့ဝင်တွေပါဝင်တဲ့ အဲ့ဒီစစ်ကြောင်းဟာအင်အားတရာဝန်းကျင်လောက်ပါဝင်ပြီး ကန်ရွာကို အသွားအပြန် နှစ်ကြိမ်တိုက် ခိုက်ခံရတာမှာ စုစုပေါင်း (၂၀)ဝန်းကျင် သေဆုံးတယ်လို့ ဒေသကာကွယ်ရေးတပ်တွေကဆိုပါတယ်။
ဒီကနေ့တိုက်ပွဲအတွင်း ဒေသခံကာကွယ်ရေး ပူး ပေါင်းတပ်ဖွဲ့တွေဘက်ကတပ်ဖွဲ့ဝင်နှစ်ဦးမစိုးရိမ်ရ ဒဏ်ရာရရှိခဲ့တယ်လို့ သိရပါတယ်။
ဒီကနေ့တိုက်ပွဲကိုဂန့်ဂေါခရိုင်၊ အမှတ်(၁)တပ်ရင်း တပ်ခွဲ၁ တပ်ခွဲမှူးဦးစီးတဲ့ အင်အား(၆၀)ရှိ PDF တပ်ရင်း၊ ABSDF၊ KKG၊ ၊၇၀၅ ၊ပကဖ ပူးပေါင်းတပ်ဖွဲ့တို့က တိုက်ခိုက်ခဲ့တာဖြစ်ပြီး တိုက်ပွဲဖြစ်ပွားချိန် ( ၄၅) မိနစ်ဝန်းကျင်ကြာမြင့်ခဲ့တယ်လို့ ဂန့်ဂေါခရိုင်အမှတ်( ၁) တပ်ရင်းကထုတ်ပြန်ပါတယ်။
