မရမ်းကုန်းမြို့နယ်၊သမိုင်း (၂)ရပ်ကွက်၊ဦးဘဟန်လမ်းမှာ ဒေသခံတွေကြား ဒလန်လို့ သတ်မှတ်ခံထားရတဲ့ ရာ အိမ်မှူးတဦး ဒီကနေ့ အောက်တိုဘာ ၈ရက် ညခြောက်နာရီဝန်းကျင်မှာ သေနတ်နဲ့ပစ်ခတ်သတ်ဖြတ်ခံရတယ်လို့ အဲ့ဒီ ရပ်ကွက် မှာနေ ထိုင်သူ တွေက DNAကိုပြောပါတယ်။
“သေသွားပြီလို့လည်းပြောနေကြတယ်၊သူက ရပ်ကွက်ထဲမှာ ဒလန်လုပ်လို့ဆိုပြီး လူပြောသူ ပြောတော့များတယ်၊ ဒါပေမယ့် သူတကယ်ပဲဒလန်လုပ်တယ်ဆိုတာ ဟုတ်၊မဟုတ်တော့ကျွန်တော်တို့လည်း အတိအကျမသိဘူး” လို့ မ ရမ်းကုန်း(၂)ရပ်ကွက် ဦးရေခဲလမ်းအနီးမှာ နေထိုင်သူတစ်ဦးကပြောပါတယ်။
ပစ်ခတ်ခံရသူဟာ (၂)ရပ်ကွက်က ရာအိမ်မှူး သန်းအေးဆိုသူဖြစ်ပြီး နားထင်ကိုထိမှန်ခဲ့တဲ့အတွက် နေရာမှာပဲ ပွဲ ခြင်းပြီးသေဆုံးခဲ့တယ်လို့လည်း ကန်လေးစုလမ်းနေ ဒေသခံတစ်ချို့ကပြောပါတယ်။အဲ့ဒီအခြေအနေနဲ့ ပတ် သက်လို့ DNA အနေနဲ့ ဆက်လက်စုံစမ်းနေဆဲဖြစ်ပါတယ်။
ရာအိမ်မှူး သန်းအေး ပစ်ခတ်ခံရပြီးနောက်မှာ စစ်ကောင်စီတပ်တွေရောက်ရှိလာပြီး ဦးဘဟန်လမ်းမကြီး တ လျှောက်ပိတ်ဆို့စစ်ဆေးတာတွေ၊အနီးဝန်းကျင်ကိုစုံစမ်းမေးမြန်းတာတွေလုပ်ဆောင်ခဲ့တယ်လို့လည်း ဒေသခံ တွေက ပြောပါတယ်။
ဒါ့အပြင် စစ်ကောင်စီတပ်တွေက ဖြစ်စဥ်ဖြစ်ပွားရာ (၂)ရပ်ကွက်ကို မီးဖြတ်တောက်ထားတယ်လို့လည်း သိရပါ တယ်။အဲ့ဒီပစ်ခတ်မှုနဲ့ပတ်သက်လို့ လက်ရှိအချိန်အထိ ဘယ်အဖွဲ့ကလုပ်ဆောင်ခဲ့တယ်ဆိုတာ ထုတ်ပြန်တာ မရှိသေးပါဘူး။
မရမ်းကုန်းမြို့နယ် အမှတ်(၂)ရပ်ကွက်မှာပဲ ရာအိမ်မှူးတဦး ပစ်ခတ်သတ်ဖြတ်ခံရတဲ့ဖြစ်စဉ် ပြီးခဲ့တဲ့ ဇူလိုင်လ အတွင်းဖြစ်ခဲ့ပါသေးတယ်။ဇူလိုင်လအတွင်း ပစ်ခတ်သတ်ဖြတ်ခံရသူဟာ အဲ့ဒီရပ်ကွက်က ရာအိမ်မှူး ဦးမောင်လတ်ဆိုသူဖြစ်ပါတယ်။
