စစ်ရှောင်ပြည်သူ ၄၀၀ ကျော်အခက်အခဲတွေဖြစ်နေလို့ အကူအညီတွေပေးကြဖို့ လောင်းရှည် ဒေသလုံးဆိုင်ရာ ပြည်သူ့ကာကွယ်ရေးတပ်ဖွဲ့ Laung She Regional People’s Defence Force က ဒီနေ့ ဇူလိုင် ၁၂ ရက်နေ့မှာ မေတ္တာရပ်ခံပန်ကြားပါတယ်။
မကွေးတိုင်း၊ ဂန့်ဂေါခရိုင် လောင်းရှည် ထိန်းချုပ်နယ်မြေအတွင်းမှာ စိုက်ခင်းကျေးရွာ၊ အိုင့်ကြီးကျေးရွာ၊ ဖလံမကျေးရွာ မတွေမှ စစ်ဘေးရှောင်ပြည်သူ ၄၀၀ ကျော်အတွက် လိုအပ်တဲ့ ကာကွယ်စောင့်ရှောက်မှုတွေ လိုအပ်နေတယ်လို့ဆိုပါတယ်။
စစ်ဘေးရှောင်ပြည်သူတွေအတွက် ကျန်းမာရေးနဲ့ညီညွတ်တဲ့ နေရာထိုင်ခင်း၊ မိုးကာ၊ စောင်၊ ခြင်ထောင်၊ စားနပ်ရိက္ခာ၊ အဝတ်အထည်၊ တစ်ကိုယ်ရည်သုံးပစ္စည်းနဲ့ ဆေးဝါးတွေလိုအပ်နေပြီး အတတ်နိုင်ဆုံး ကူညီရှာဖွေ ထောက်ပံ့ပေးနေကြောင်း ပြည်သူတွေအနေနဲ့လည်း ချိတ်ဆက်ကူညီပေးကြဖို့ တောင်းဆိုထားပါတယ်။
