ရန်ကုန်မြို့၊ ဒဂုံဆိပ်ကမ်းမြို့နယ် ယုဇနဥယျာဥ်မြို့တော်၌ ရန်ကုန်အခြေစိုက် မြို့ပြပြောက်ကျား အဖွဲ့ဝင်တစ်ဦးကို သူခိုးလို့စွပ်စွဲကာ ဝိုင်းဝန်းဖမ်းဆီးရာတွင် ဦးဆောင်သူ လေးဦးကို ရှင်းလင်းသွားမည်ဟု Special Ninja Force အဖွဲ့ကထုတ်ပြန်လိုက်ပါတယ်။
“အကြွေးဆိုတာယူပြီးရင် ဆပ်ရတယ်။ UG ရဲဘော်အတွက် ယုဇနမှာ အကြွေးလာယူမယ်” ဟု Special Ninja Force က သတိပေးလိုက်တာပါ။
အဆိုပါ ဦးဆောင်သူလေးဦးမှာ ယုဇနဥယျာဉ်မြို့တော် (၁၀) လမ်း (အေ) ၏ ရာအိမ်မှူး ဗလကြီး(ခ)အောင်ကျော်မင်း၊ (၁၂) လမ်း (အေ) ရှိ ရွှေပိုးကုန်စုံဆိုင်ပိုင်ရှင်၊ ရိုက်နှက်ရာတွင်ပါဝင်သည့် ဘီးကျဲ ဆိုသူနှင့် (၈) လမ်း (ဘီ) အရက်ဆိုင်မှ အောင်လေးဆိုသူတို့ဖြစ်သည်ဟု Special Ninja Force က ထုတ်ပြန်အသိပေးထားပါတယ်။
“ဒီကောင်တွေ မဟုတ်တရုတ်တွေအော်လို့၊ အိမ်ဖောက်သူလိုလို၊ သူခိုးလိုလို၊ ရိုက်ပြေးသူလိုလိုအော်လို့ ရဲဘော်လေးကို ဝိုင်းဖမ်းကြ ရိုက်ကြတယ် မိသွားတယ်”လို့ Special Ninja Force က ပြောသည်။
ထိုသို့ ဝိုင်းဝန်းဖမ်းဆီး ရိုက်နှက်ခံရစဥ် UG အဖွဲ့ဝင်ရဲဘော်မှာ “ကျွန်တော်ကိုသာ သတ်လိုက်ကြပါတော့” ဟု ပြောဆိုခဲ့တယ်ဆိုတာ လူမှုကွန်ရက်မှာ ပျံ့နှံ့နေတာပါ။
ဇွန်လ ၂၆ ရက် ည ၇ နာရီခန့်က ယုဇနဥယျာဥ်မြို့တော် (၁၀)လမ်း(အေ)ရှိ တိုက်အမှတ်(၁၆)မှာ လက်လုပ်မိုင်းများ ရွှေ့ပြောင်းရာမှ တိုက်ခန်းအတွင်းမှာ ပေါက်ကွဲသွားခဲ့ပြီး တစ်ဦးသေဆုံးကာ တစ်ဦးထွက်ပြေးခဲ့ရတာပါ။
