အကြမ်းဖက်စစ်တပ်က အရပ်သားတွေကို သိမ်းကျုံးတိုက်ခိုက်နေတာဟာ စစ်ရာဇဝတ်မှုကျူးလွန် နေတာလို့ နိုင်ငံတကာလွတ်ငြိမ်းချမ်းသာခွင့်အဖွဲ့ Amnesty International က ပြောကြားလိုက်ပါတယ်။
အကြမ်းဖက်စစ်တပ်ရဲ့ ပစ်ခတ်တိုက်ခိုက်တာတွေနဲ့ အရပ်သားတွေကို သတ်ဖြတ်တာတွေနဲ့ပတ်သက်ပြီး ကိုယ်တွေ့ကြုံခဲ့သူတွေရဲ့ သုတေသနလုပ်သူတွေက မှတ်တမ်းတင်ပြုစုထားကြောင်း Amnesty International ကဆိုပါတယ်။
၂၀၂၁ ခုနှစ်ဒီဇင်ဘာ ၂၄ ရက်နေ့က ကယားပြည်နယ်၊ဖရူဆိုမြို့နယ်အတွင်း လူ၃၀ကျော်ကို မီးရှို့ထားတဲ့အ လောင်းတွေ၊ရွာတွေထဲ ဝင်ရောက်လုယက် မီးရှို့ဖျက်ဆီးတာ၊ဘာသာရေးအဆောင်အအုံ၊ဆေးရုံဆေးခန်းနဲ့ လူနေအိမ်တို့ကို ဗုံးကြဲတိုက်ခိုက်တာ၊ အရပ်သားတွေကို ဥပဒေမဲ့တိုက်ခိုက်တာစတာတွေကို အကြမ်းဖက်စစ် တပ်ကကျူးလွန်ခဲ့ပြီးအရပ်သားတွေအပေါ် အပြင်းအထန်တိုက်ခိုက်တာဟာ စစ်ရာဇဝတ်မှု အသစ် ထပ်ကျူးလွန်ရာရောက်သလို လူသားထုအပေါ်ကျူးလွန်တဲ့ ရာဇဝတ်မှုမြောက်ကြောင်းလည်း ဆိုပါတယ်။
(ပုံစာ-၂၀၂၁ဒီဇင်ဘာ၂၄ရက်နေ့က ဖရူဆိုမြို့နယ်အတွင်း အရပ်သားတွေကို သတ်ဖြတ်မီးရှို့ထား)
