ပြည်သူ့ကာကွယ်ရေးတပ်မတော်(PDF)တည်ထောင်ကြောင်းကြေညာခြင်း တစ်နှစ်ပြည့်အခမ်းအနားကို တောင်ပိုင်းစစ်ဒေသနယ်မြေ၊ ဒေါနစစ်ကြောင်း မြို့မ စခန်းမှာ ကျင်းပခဲ့ပါတယ်။
မေလ၅ရက်နေ့ဟာ ပြည်သူ့ကာကွယ်ရေးတပ်မတော်(PDF)တည်ထောင်ကြောင်းကြေညာခြင်: တစ်နှစ်ပြည့်ဖြစ်ပြီး အဲဒီအခမ်းအနားမှာ ပြည်သူ့ကာကွယ်ရေးတပ်မတော်အလံကို အလေးပြုခြင်း၊ ဖက်ဒရယ်ဒီမိုကရေစီရေးအတွက် အသက်သွေးချွေးစွန့်လွှတ်သွားခဲ့သူအပေါင်းကို အလေးပြုခြင်း ၊ ပြည်သူ့ကာကွယ်ရေးတပ်မတော်ရဲ့သစ္စာဓိဌာန် ( ၄ ) ချက် ရွတ်ဆိုခြင်း ၊ အမျိုးသားညီညွတ်ရေးအစိုးရ ၊ ကာကွယ်ရေးဝန်ကြီးဌာန၊ ပြည်ထောင်စုဝန်ကြီးက ပေးပို့တဲ့ သဝဏ်လွှာကို ဖတ်ကြားခြင်း ၊ တောင်ပိုင်းစစ်ဒေသမှတာဝန်ရှိသူတွေနဲ့တပ်မှူးတွေက အမှတ်တရ စကားပြောကြားခြင်းတို့ပြုလုပ်ခဲ့ကြောင်း NUG ကာကွယ်ရေးဝန်ကြီးဌာနက ဒီကနေ့ထုတ်ပြန်ပါတယ်။
