အကြမ်းဖက်မြန်မာစစ်အုပ်စုလက်အောက်ခံ မြန်မာ့အသံနှင့်ရုပ်မြင်သံကြား (MRTV) အက်ပလီကေးရှင်းကို Apple ကုမ္ပဏီ App Store နှင့် Alphabet ကုမ္ပဏီ Google Play Store တို့က ဖယ်ရှားလိုက်တယ်လို့ ဆိုပါတယ်။
အဆိုပါMRTV အပ်ပလီကေးရှင်းကို အကြမ်းဖက်စစ်အုပ်စုခေါင်းဆောင်မင်းအောင်လှိုင်က အခမ်းအနားနဲ့ မိတ်ဆက်ပွဲကျင်းပပြီး နောက်တစ်ရက်မှာပဲ ဖယ်ရှားခံလိုက်ရတာပါ။မေ ၄ ရက်နေ့မှာ အကြမ်းဖက်ခေါင်းဆောင် မင်းအောင်လှိုင်က နေပြည်တော်မှာ အခမ်းအနားနဲ့ MRTV Application လွှင့်တင်မှုကို မိတ်ဆက်ခဲ့ပြီး မေလ ၅ ရက်နေ့မှာအဆိုပါ မြန်မာ့အသံနှင့်ရုပ်မြင်သံကြား (MRTV) Application ကို Apple Store နှင့် Google Play Store တို့မှ ဖယ်ရှားလိုက်တာပါ။
Justice for Myanmar ကဝါဒဖြန့် MRTV Application ကို အွန်လိုင်းမှဖယ်ရှားပေးရန် တောင်းဆိုပြီး နောက် အမေရိကန် ကုမ္ပဏီ Apps Web Social LLC က ဖယ် ရှားလိုက်ခြင်းဖြစ်တယ်လို့ဆိုပါတယ်။
မြန်မာစစ်တပ်နဲ့ ၎င်းတို့ထိန်းချုပ်ထားတဲ့ အဖွဲ့အစည်းအားလုံးကို Google ပလက်ဖောင်းပေါ်ကနေ လုံးဝအပြည့်အဝပိတ်ပင်ဖို့ Justice for Myanmar က တောင်းဆိုထားတယ်လို့ထုတ်ပြန်ထားပါတယ်။
