ကယားပြည်နယ်၊ ဒီးမော့ဆိုမြို့နယ်၊ မြို့မရပ်ကွက်ကို စစ်ကကြောင်းထိုးလာတဲ့ အကြမ်းဖက်စစ် အုပ်စုကို ပြည်သူ့ကာကွယ်ရေးတပ်-ဒီးမော့ဆို(DMO-Local PDF)တပ်ဖွဲ့ ဗျူဟာ(၃)မှ C ,D, E တပ်ရင်းရဲ့ တပ်ခွဲအချို့ နှင့် အလယ်ပိုင်းတိုင်း(၁၁၀၂)တပ်ရင်းမှ တပ်ခွဲအချို့ တို့ ပူးပေါင်းပြီး တိုက်ခိုက်ခဲ့ကြတာပါ။
ဧပြီလ(၂၉)ရက်နေ့မှာ ထိတွေ့ဖြစ်ပွားခဲ့တဲ့ အဲဒီတိုက်ပွဲဟာ အချိန် (၁)နာရီခန့်ကြာမြင့်ခဲ့တယ်လို့ ပြည်သူ့ကာကွယ်ရေးတပ်-ဒီးမော့ဆို(DMO-Local PDF)က သတင်းထုတ်ပြန်ထားပါတယ်။
တိုက်ပွဲမှာ အကြမ်းဖက်စစ်အုပ်စုတပ်သား(၂)ဦးကို သုတ်သင်ရှင်းလင်းနိုင်ခဲ့တဲ့အပြင်၊ တပ်သား(၃)ဦးလည်း ပြင်းထန်ဒဏ်ရာရရှိခဲ့တယ်လို့လည်း သတင်းထုတ်ပြန်ချက်မှာပါရှိပါတယ်။
ဒေသခံ ပြည်သူ့ ကာကွယ်ရေးတပ်တွေအနေနဲ့ ထိခိုက်ကျဆုံး မှုမရှိဘဲ ပြန်လည်ဆုတ်ခွာနိုင်ခဲ့တယ်လို့ သိရပါတယ်။
