ပုသိမ်ဆေးရုံအရိုးဆောင်ကလူနာနှစ်ဦးအပါအဝင် ပုသိမ်ကိုဗစ်လူနာသစ်(၃)ဦးတွေ့

၂၃၊ ဇန်နဝါရီ၊ ၂၀၂၁။

ပုသိမ်မြို့မှာ ဒီကနေ့ကိုဗစ်လူနာသစ်(၃)ဦး တွေ့ခဲ့တယ်လို့ ပုသိမ်ဆေးရုံအုပ်ကြီးဒေါက်တာသန်းမင်းထွဋ်ဆီကနေ သိရပါတယ်။

ပုသိမ်အောင်ဇေယျလမ်းကအသက်(၂၄)နှစ်အရွယ်အမျိုးသားတစ်ဦးဟာ နှာစေး၊အနံပျောက်နေတာ ၄ရက်ရှိနေတာကြောင့် ပုသိမ်ဆေးရုံကိုလာရောက်ပြသရာက ရောဂါတွေ့ခဲ့ပါတယ်။

ပုသိမ်ဆေးရုံရဲ့ Lock Downချထားတဲ့ အရိုးဆောင်ကလူနာနဲ့ လူနာစောင့်တွေကို ဒုတိယအကြိမ်စစ်ဆေးခဲ့ရာမှာ ပုသိမ်ညောင်ချောင်းက ခြေထောက်ခွဲစိတ်ဖို့
ဆေးရုံတက်နေတဲ့ အသက်(၄၈)နှစ်အရွယ်အမျိုးသားတစ်ဦးနဲ့ ငပုတောမြို့နယ်နွားကုန်းရွာကလာပြီး ဆေးရုံတက်နေတဲ့ အသက်(၃၈)နှစ်အရွယ်အမျိုးသမီးတို့မှာ ရောဂါတွေ့ခဲ့ပါတယ်။

လက်ရှိပုသိမ်မြို့မှာ ဆေးရုံတက်ရောက်ခဲ့တဲ့ ကိုဗစ်အတည်ပြုလူနာ(၉၀၈)ဦး ရှိနေပြီဖြစ်ပါတယ်။ လူနာတွေထဲကမှ (၈၄၃)ဦးဟာ ရောဂါပျောက်ကင်းသွားလို့ ဆေးရုံကဆင်းသွားပြီလို့ သိရပါတယ်။

DeltaNews Agency

Read Previous

ဖျာပုံမြို့မှာ ၁၈နှစ်အရွယ် လူငယ်တစ်ဦးအသတ်ခံရ (တရားခံမမိသေး)

Read Next

ဖျာပုံမှာတစ်နေ့တည်း ကိုဗစ်လူနာသစ် (၁၁)ဦးတိုး