ဖေဖော်ဝါရီ ၊ ၂၆
စစ်ကိုင်းတိုင်း၊ကန့်ဘလူမြို့နယ်၊ထန်းကုန်းတိုက်နယ်အတွင်းဖေဖော်ဝါရီလ ၂၅ ရက်နေ့တရက်ထဲမှာပဲ အရပ်သားပြည်သူ ကိုးဦးအထိ မိုင်းထိမှန်ဒါဏ်ရာရခဲ့ပြီး ၁၅နှစ်အရွယ်ကလေးငယ်တဦးသေဆုံးခဲ့တယ်လို့ဒေသခံတွေကပြောပါတယ်။
အဲ့ဒီလိုမိုင်းထိမှန်ဒါဏ်ရာရသူတွေဟာ ထန်းကုန်းတိုက်နယ်အတွင်းညောင်ဇင်ကျေးရွာကပြည်သူ ၄ ဦးနဲ့ ကာဘိုးကျေးရွာကပြည်သူ ၂ ဦးနဲ့သင်ပေါင်းကျင်းကျေးရွာက ကလေးငယ်သုံးဦးဖြစ်ပါတယ်။
“မိုင်းထိတဲ့အထဲမှာသင်ပေါင်းရွာနားကလယ်တောမှာနွားကျောင်းနေတဲ့ညီအကိုနှစ်ယောက်မှာအကြီးလေးကတော့အဲ့နားမှာတင်သေသွားတယ်။အငယ်လေးကအသက်အန္တရာယ်စိုးရိမ်နေရတယ်။သင်ပေါင်းကျင်းကတော့ပျူတွေများတယ်။အဲ့ကလဲရွာအပြင်တွေမှာထောင်ထားတာမိုင်းတွေက“လို့ ကန့်လူဒေသတွင်းသတင်းမီဒီယာမှ တာဝန်ရှိသူတဦးက DNA ကိုပြောပါတယ်။
မိုင်းထိမှန်ထားသူတွေဟာ ညောင်ဇင်ကြီးကနေညောင်ဇင်လေးကြားမှာ မိုင်းထိမှန်ခဲ့တာဖြစ်ပြီး ညောင်ဇင်ရွာနေဦးကျော်မြိုင် အသက် ၄၅ ဝန်းကျင်၊ဦးဖိုးပိန် အသက် ၄၅ ဝန်းကျင်၊ဦးလွမ်းချို အသက် ၃၅ ဝန်းကျင်၊ဦးကျော်ခင် အသက် ၅၅ ဝန်းကျင်နဲ့ကာဘိုးစံပြရွာမှ ဈေးသယ်လင်မယား တို့ထိမှန်ဒါဏ်ရာရခဲ့တာဖြစ်ပြီး မိုင်းထိမှန်သည့်ကလေးငယ်များမှာ အသက် ၁၅ နှစ်ဝန်းကျင်အရွယ် မောင်ဖြိုးဝေအောင်၊အသက် ၁၅ နှစ်ဝန်းကျင်အရွယ် မောင်ပိုင်ပိုင်စိုးနှင့်အသက် ၁၀ နှစ်ဝန်းကျင်အရွယ် မောင်တုတ်ပေါတို့ဖြစ်ကြောင်း သိရသည်။
“ညောင်ဇင်လေးမှာပျူရောစစ်တပ်ကောအင်အားအများကြီးပဲ။ရွာခံကသူတို့နဲ့ပနံသင့်တဲ့၆ယောက်လောက်ပဲရှိတော့တာ။ညောင်ပင်ကြီးကပြည်သူတွေကနောက်ဖက်ခြမ်းကိူမသွားရဲတော့ဘူး။ဖြစ်တာရွာနှစ်ရွာအကူးလမ်းမှာကိုမိုင်းအပြည့်ကာထားတာသူတို့ကခုပြည်သူတွေကမသိပဲအဝင်မှာဖြစ်သွားတာစျေးလည်ရောင်းတဲ့လင်မယားလဲပါတယ် ။စိုးရိမ်ရတဲ့သူရဲ့အခြေအနေကိုမသိရသေးဘူး”လို့ညောင်ဇင်ရွာ ဒေသခံတဦးကပြောပါတယ်။
ညောင်ဇင်လေး ရွာဟာ ရွာခံပျူစောထီးအတန်အသင့်အားကောင်းသည့်ကျေးရွာဖြစ်ကာ ပြီးခဲ့သည့် ဖေဖော်ဝါရီလ ၁၆ ရက်နေ့ကလည်း ၄င်းတို့ထောင်ထားသည့် မိုင်းကြောင့် လယ်တောသွားသည့် ပြည်သူတဦးနဲ့နွား ၂ ကောင် ထိခိုက်ဒဏ်ရာရရှိခဲ့သေးသည်။
အခုမိုင်းထိမှန်ထားသူတွေရဲ့အခြေအနေနဲ့ထိခိုက်ဒါဏ်ရာရရှိမှု့အသေးစိတ်ကိုတော့ပျူစောထီးအင်အားအများအပြားအထိုင်ချထားတဲ့အတွက်မသိရှိရသေးပေမယ့်အခုဒါဏ်ရာရရှိသူတွေကိုဒေသအခြေစိုက်ပြည်သူ့ကာကွယ်ရေးတပ်ဖွဲ့ဝင်တွေကဆေးကုသပေးနေတယ်လို့ဆိုပါတယ်။
ဒါ့အပြင်တရက်ထဲမှာပဲ ထန်းကုန်းတိုက်နယ် ညောင်ဇင်ရွာအနီး မိုင်းထိမှန်ထားတဲ့ အရပ်သားပြည်သူ စုစုပေါင်း ၆ ယောက်အထိရှိခဲ့တဲ့အတွက်ထန်းကုန်းတိုက်နယ် ပျူစောထီးကျေးရွာများတွင် နေထိုင်သည့် ပြည်သူများအနေဖြင့် အသွားအလာ အထူးသတိပြုကြဖို့လည်းဒေသဆိုင်ရယတော်လှန်ရေးအင်အားစုတွေကအသိပေးချက်ထုတ်ပြန်ထားပါတယ်။
မြန်မာနိုင်ငံမှာ မြေမြှပ်မိုင်းကြောင့် ၂၀၂၁ခုနှစ်မှာ ၂၈၈ ဦးထိခိုက်ဒဏ်ရာရပြီး ၁၀၂ဦးသေဆုံးခဲ့ကာ ၂၀၂၂ခုနှစ်မှာတော့ သေဆုံးဒဏ်ရာရသူ ၃၉၀အထိမြင့်တက်ခဲ့ပါတယ်။
