မွန်ပြည်နယ်၊သထုံခရိုင်၊ဇင်းကျိုက်မြို့နယ်၊ကွမ်း သီးခြံ ရပ်ကွက် ဘုံကျောင်းလမ်းမှာ ဒီကနေ့မနက်အစောပိုင်း သုံးနာရီဝန်းကျင်က မီးလောင်မှုဖြစ်ပြီး လူလေးဦး သေဆုံးတယ်လို့ ကူညီကယ်ဆယ်ရေး ပြုလုပ်ပေးခဲ့တဲ့ ဂရုဏာရှင် လူမှုကူညီရေးအသင်း တာဝန်ရှိသူတဦးက ပြောပါတယ်။
မီးလောင်မှုကြောင့် နေအိမ် ခုနစ်လုံး ဆုံးရှုံးခဲ့ပြီး မီးငြိမ်းချိန် ရှင်းလင်းရေး လုပ်ချိန်မှာ မီးလောင်ကျွမ်းထားတဲ့ ရုပ်အလောင်း လေးလောင်း တွေ့ရတာဖြစ်တယ်လို့ သူက ပြောပါတယ်။
အဲ့ဒီမီးလောင်မှုကို မီးသတ်ကား ခုနစ်စီးနဲ့ ငြှိမ်း သတ် ခဲ့ပြီး မနက် ငါးနာရီဝန်းကျင်မှာ မီးငြိမ်းခဲ့တယ်လို့ သိရပ ါတယ်။မီးလောင်ကျွမ်းမှုဖြစ်တဲ့အကြောင်းရင်းကိုတော့မသိရသေးပါဘူး။
သေဆုံးသူတွေဟာ မီးလောင်မှုဖြစ်ချိန်မှာ ပိတ်မိပြီး သေဆုံးတာဖြစ်တယ်လို့ ကနဦးသိရပြီး လက်ရှိမှာ အဲ့ဒီမီးလောင်မှုကို မီးသတ်ဌာနက စုံစမ်းစစ်ဆေးမှုတွေ လုပ်နေတယ်လို့ သိရပါတယ်။
