ညောင်တုန်းမြို့အနီး ရန်ကုန်-ပုသိမ် လမ်းမကြီးပေါ်မှာ ဒီကနေ့နေလယ်ပိုင်းက ကုန်တင်တွဲကားလမ်းချော်ပြီး ကန့်လန့်ပိတ်ဆို့နေတဲ့ အတွက် ယာဉ်ပိတ်ဆို့မှုဖြစ်နေတယ်လို့ ကိုယ်တိုင်ကြုံတွေ့ရသူတဦးက DNAကိုပြောပါတယ်။
ညောင်တုန်းမြို့ ကြိမ်ပင်နှစ်ဆယ်အနီးမှာ ယာဉ်တွေပိတ်ဆို့နေတာဖြစ်ပြီး ရန်ကုန်ဘက်က လာတဲ့ကားတွေရော၊ ပုသိမ်ဘက်ကနေ ရန်ကုန်ဘက်လာတဲ့ ကားတွေရော ပိတ်ဆို့နေတာဖြစ်တယ်လို့သိရပါတယ်။
“ခုထိ ကန့်လန့်ခံနေတဲ့ကားကို ဖယ်ရှားနိုင်ခြင်း မရှိသေးဘူး”လို့ ဖြစ်စဉ်ကို ကိုယ်တိုင်ကြုံတွေ့ရသူက ဒီကနေ့ နေ့လယ် တနာရီဝန်းကျင်မှာ ပြောပါတယ်။
