မကွေးတိုင်း ပေါက်မြို့နယ် ဒီးဒုတ်ကွင်းကျေးရွာမှာ တပ်စွဲထားတဲ့ အကြမ်းဖက်စစ်အုပ်စုကို ညီနောင်မဟာမိတ် PDF တွေက ဝင်ရောက်စီးနင်းတိုက်ခိုက်ခဲ့တယ်လို့ Young Revolution Front က သတင်းထုတ်ပြန်လာခဲ့ပါတယ်။
ဒီကနေ့ မေလ ၃ ရက်နေ့ မနက် ၂ နာရီလောက်မှာ ညီနောင်မဟာမိတ်တပ်ဖွဲ့တွေဖြစ်တဲ့ Young Revolution Front (YRF) ၊ Southern Pauk Guerrilla Force( SPGF) ၊ Yaw Defence Force( Saw-YDF) နဲ့ Southern Pauk People’s Defense Force (SPPDF) တို့ ပူးပေါင်းပြီး ဝင်ရောက်တိုက်ခိုက်ခဲ့ကြတာပါ။
ထိတွေ့တိုက်ပွဲအတွင်းမှာ အကြမ်းဖက်စစ်အုပ်စုနဲ့ ပျူစောထီးတွေဘက်က တစ်ဦးသေဆုံးပြီး တစ်ဦးဒဏ်ရာရရှိခဲ့ကာ ညီနောင်မဟာမိတ်အဖွဲ့ကလည်း ရဲဘော်တစ်ဦး ဒဏ်ရာအနည်းငယ် ရရှိခဲ့တယ်လို့ သိရပါတယ်။
ထိတွေ့တိုက်ပွဲအတွင်းမှာ ညီနောင်မဟာမိတ်တွေဘက်က ကျည်အင်အား မလုံလောက်တာနဲ့ လက်နက်အင်အား မမျှတတာကြောင့် စခန်းသိမ်းတိုက်ပွဲ မဆင်နွှဲခဲ့ရဘဲ ပြန်လည်ဆုတ်ခွာပေးခဲ့ရတယ်လို့ သိရပါတယ်။
