ဧရာဝတီတိုင်း ကြံခင်းမြို့နယ်မှာ အကောက်တောင်ဘုရားဖူးလာတဲ့ ဘုရားဖူးယာဉ်တစ်စီး တိမ်းမှောက်ကာ ၃ဦးသေဆုံးခဲ့ပြီး ထိခိုက်ဒဏ်ရာရရှိသူများတယ်လို့ ဒေသခံလူမှုရေး အသင်းအဖွဲ့တွေ့ဆီက သိရပါတယ်။
ဒီကနေ့ ဧပြီလ ၂၉ရက်နေ့ မနက် ၇နာရီလောက်မှာ ကြံခင်း ဘိလပ်မြေစက်ရုံကနေ အကောက်တောင်ဘုရားကိုမောင်းနှင်လာတဲ့ ခရီးသည် ၁၁ဦးပါ အဖြူရောင် မော်တော်ယာဉ်တစ်စီးဟာ တောင်အတက်လမ်းခုလပ်မှာ တိမ်းမှောက်ပြီး ချောက်ထဲပြုတ်ကျခဲ့တာဖြစ်ပါတယ်။
ယာဉ်တိမ်းမှောက်မှုကြောင့် ယာဉ်ပေါ်လိုက်ပါလာသူ အမျိုးသမီး ၂ဦးဟာ နေရာမှာပဲ သေဆုံးသွားခဲ့ပြီး အမျိုးသားတစ်ဦးကတော့ ဆေးရုံရောက်ချိန်မှာ သေဆုံးခဲ့ရတယ်လို့ သိရပါတယ်။
ဒဏ်ရာပြင်းထန်သူ ၄ဦးကိုတော့ ဟင်္သာတဆေးရုံကို လွှဲပြောင်းပို့ဆောင်ထားပြီး ကျန်ရှိတဲ့သူတွေကိုတော့ ဆိပ်သာတိုက်နယ်ဆေးရုံမှာ ဆေးဝါးကုသမှု လုပ်ဆောင်ပေးနေတယ်လို့ သိရပါတယ်။
