ပဲခူးတိုင်း၊ ကဝမြို့နယ်၊ သက္ကလမြို့ အထက်တန်းကျောင်းရှေ့မှာ ကျောင်းသားမိဘတစ်ဦးဟာ အကြမ်းဖက်စစ်သားရဲ့လက်ချက်နဲ့ ကျည်ထိမှန်ကာ ဆေးရုံတင်လိုက်ရကြောင်း သိရပါတယ်။
ဒီနေ့မနက် ၁၀ နာရီ ၃၅ မိနစ်လောက်မှာ စစ်အုပ်စုရဲ့ ၁၀ တန်းစာမေးပွဲဖြေနေတဲ့ ကျောင်းသားကို လာစောင့်နေသူ ကျောင်းသားမိခင်တစ်ဦးဖြစ်ပြီး ခြေထောက်ထိမှန်ဒဏ်ရာရကာ သက္ကလတိုက်နယ်ဆေးရုံ တင်ထားရကြောင်း ဒေသတွင်း နွေဦးတော်လှန်ရေး စာမျက်နှာ Kawa Information က ဖော်ပြပါတယ်။
‘သက္ကလမြို့မ စံပြရပ်ကွက်က အထက်တန်းကျောင်းရှေ့နားမှာပါ။ အဲမှာ စောင့်နေတဲ့ စစ်ခွေးလား၊ ရဲလားတော့ မသိဘူး။လက်ကမြင်းပြီး သူကိုင်ထားတဲ့သေနတ်ကို ကလိနေတုန်း ကျည်ထွက်သွားတာ’ လို့ သက္ကလမြို့ပေါ်နေ တက်ကြွလူငယ်တစ်ဦးက ပြောပါတယ်။
အဲဒီကျောင်းရှေ့နားမှာ အကြမ်းဖက်စစ်သားနဲ့ရဲ ၁၀ ယောက်လောက် စောင့်နေတယ်လို့ သူကပြောပါတယ်။သေနတ်ထိမှန်တဲ့ အမျိုးသမီးရဲ့ အခြေအနေကို မသိရသေးဘူးလို့ Kawa Information က ဆိုပါတယ်။
