ကချင်ပြည်နယ် ပူတာအိုမြို့နယ်အတွင်း အကြမ်းဖက်စစ်အုပ်စု၊ ကေအိုင်အေနဲ့ PDF တို့ကြား ဖြစ်ပွားခဲ့တဲ့ တိုက်ပွဲတွေကြောင့် (၂) လနီးပါး တောထဲထွက်ပြေးတိမ်းရှောင်နေရာက မနေ့က မတ်လ ၂၃ ရက်နေ့တွင် ပြည်သူ (၃၂၁) ဦး နေရပ်ကို ပြန်လာနေပြီလို့ Kachinwaves သတင်းဌာနကဖော်ပြထားပါတယ်။
ပြည်သူအချို့ကတော့ တိုက်ပွဲတွေပြန်ဖြစ်လာမှာ စိုးရိမ်တဲ့ အတွက် ပြန်လာဖို့ အခက်တွေ့နေသေးတယ်လို့ ဆိုပါတယ်။
ဖေဖော်ဝါရီလ ၁ ရက်နေ့ကစပြီး တိုက်ပွဲပြင်းထန်ခဲ့တဲ့အတွက် ဆွမ်ပီယာန်ကျေးရွာ၊ အင်စီယာန်ကျေးရွာနဲ့ လုံရှာယာန်ကျေးရွာတွေက ပြည်သူတွေ ထွက်ပြေးတိမ်းရှောင်ခဲ့ကြတာပါ။
ကချင် ငြိမ်းချမ်းအကျိုးဆောင်အဖွဲ့ (PCG)၊ မြစ်ကြီးနား ခရစ်ယာန်အသင်းတော်များ ကောင်စီအဖွဲ့ (MCC) နဲ့ ကချင် အမျိုးသားများ အတိုင်ပင်ခံအဖွဲ့ (WMR) တို့က သက်ဆိုင်ရာအဖွဲ့အစည်းတွေ စုပေါင်းပြီး နေရပ်ပြန်လာနိုင်ဖို့အတွက် ဆောင်ရွက်ခဲ့ကြတယ်လို့ ဆိုပါတယ်။
Source- Kachinwaves
