ရန်ကုန်-မန္တလေး အမြန်လမ်းဟောင်းက စစ်အုပ်စုစခန်း အတိုက်ခံရ

ရန်ကုန်-မန္တလေး အမြန်လမ်းဟောင်း ယောမင်းကြီးလမ်းပေါ်မှာရှိတဲ့ အကြမ်းဖက်စစ်အုပ်စုရဲ့ ကနောင်တပ်လုံခြုံရေးကင်းစခန်းကို ပြည်သူ့ကာကွယ်ရေးပူးပေါင်းတပ်ဖွဲ့က ဝင်ရောက်တိုက်ခိုက်ခဲ့တယ်လို့ သတင်းထုတ်ပြန်လာပါတယ်။

ဒီကနေ့ မတ်လ ၁ ရက်နေ့ မွန်းလွဲ ၂ နာရီခန့်မှာ တော်လှန်ရေးမြို့ပြပြောက်ကျားတပ်ဖွဲ့တွေဖြစ်တဲ့ Guerilla Force of Mandalayနဲ့ Eagle Brothers People’s Defense MDYတို့က ဗုံးပစ်တိုက်ခိုက်ခဲ့တာဖြစ်ပြီး ၅ ဦးထက်မနည်း ဒဏ်ရာရရှိခဲ့တယ်လို့ Guerilla Force of Mandalayက သတင်းထုတ်ပြန်ထားပါတယ်။

ပြည်သူတွေအနေနဲ့ စစ်အုပ်စုရဲ့အနီးက ဆက်ကြေးကောက်နေတဲ့ စခန်းနေရာတွေကို ရှောင်ရှားကြဖို့ Guerilla Force of Mandalayက သတိပေးထားပါတယ်။