ဆိုင်ကယ်ရပ်မပေးလို့ဆိုပြီး ကြံ့ဖွံ့ပါတီ၀င် အမျိုးသားတစ်ဦးကို အကြမ်းဖက်စစ်တပ်က သေနတ်နဲ့ပစ် ခတ်ခဲ့ရာသေဆုံးခဲ့တယ်လို့ သိရပါတယ်။
စစ်ကိုင်းမြို့၊ ဧမြ၀တီရပ်ကွက် အနောက်ပိုင်းနေ ကြံ့ဖွံ့ပါတီ၀င် အမျိုးသားတစ်ဦး မန္တလေးမြို့မှာ ဆိုင်ကယ်ရပ်မပေးလို့ ဆိုပြီး ဇန်နဝါရီ ၂၇ ရက်နေ့ညက အပစ်ခံရခြင်းဖြစ်တယ်လို့ ဒေသတွင်းနွေဦးတော်လှန်ရေးစာမျက်နှာ စစ်ကိုင်းမြို့နယ် သတင်းမှန်ပြန်ကြားရေးက ဒီကနေ့ထုတ်ပြန်ပါတယ်။
သေဆုံးသွားသူရဲ့ ယောက္ခမဟာလည်း ကြံ့ဖွံ့ပါတီဝင်ဖြစ်တယ်လို့လည်း သိရပါတယ်။
စစ်ကိုင်းမြို့ပေါ်နေတက်ကြွလှုပ်ရှားသူတစ်ဦးက ‘စစ်ခွေးတွေအတွက်ကြံ့ဖွံ့လည်းပစ်စရာရှိရင်ပစ်မှာပဲဆို တာကို သက်သေပြလိုက်တာပဲ။စစ်ကိုင်းကကြံ့ဖွံ့ တော်တော်မျက်နှာပျက်ကုန်တယ်။စိတ်မကောင်းစရာ ကအသတ်ခံရတဲ့သူရဲ့ မိန်းမကကိုယ်ဝန်ကြီးနဲ့ကျန်ခဲ့တယ်ဆိုတာပါပဲ။အာဏာရှင်တွေလက်အောက်ကရုန်းမ ထွက်နိုင်မချင်း ဒီလိုအဖြစ်ဆိုးမျိုးတွေ ရှိနေမှာပဲ’လို့ စစ်ကိုင်းမြို့ပေါ်နေ တက်ကြွလှုပ်ရှားသူတစ်ဦးကပြောပါ တယ်။
အသတ်ခံရသူကိုငြိမ်းချမ်း၀င်း (အသက်၂၀ကျော်) ရဲ့ အလောင်းကို ဇန်နဝါရီ၂၈ရက် နံနက်ပိုင်းက မန္တလေးမြို့မှာ သဂြိုဟ်ခဲ့ပါတယ်။သူ့ရဲ့ ဆိုင်ကယ်၊ဖုန်းနဲ့ငွေတွေကိုတော့ အကြမ်းဖက်စစ်တပ်က ပြန်မပေးဘူးလို့ သိရပါတယ်။
